Push Admin

Vice Ganda at Ion Perez, sumabak sa 'Who's Who' challenge

Article (news)

Leah Bueno 

Aminado si Vice Ganda na bagamat siya ang komedyante, mas nakakatawa ang nobyo niyang si Ion Perez lalo na kapag hindi sila nakaharap sa camera.Inamin ito ni Vice sa kanyang pinakabagong vlog kung saan sumabak sila ni Ion sa sikat na challenge na &quot;Who&#x27;s Who?&quot; o &quot;Sino ang?&quot;Ayon kay Vice, kung mas nakakatawa siya sa trabaho, mas nakakatawa naman si Ion kapag nasa bahay lamang sila at walang nakasunod na camera.<div><iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameBorder="0" height="360" src="https://www.youtube.com/embed/kVWTSwcm41A" title="YouTube video player" width="640"></iframe></div>&quot;Sa bahay? Siya. Sa trabaho siyempre ako kasi trabaho ko &#x27;yun. Kilala niyo naman ako, kapag hindi ako nagtatrabaho, hindi ako nagpapatawa &#x27;no, seryoso ako sa buhay. Ito, sa totoong buhay, patawa. &#x27;Yung kahit hindi niya sinasadya, nakakatawa siya,&quot; ani Vice. Sa tanong naman na kung sino ang mas attention seeker sa kanilang dalawa ni Ion, sagot ng It&#x27;s Showtime host: &quot;Parang ako. Kasi siya, &#x27;pag naglinis na siya ng motor, mahaba &#x27;yun, akala mo nagpa-dede ng bata, nagpaligo, nagpatae, nagpatulog, ganun kahaba. Tapos kapag nakatapat na rin siya sa laptop niya, tututok na rin siya. So ako, mas papansin ako.&quot;Paliwanag ni Vice, &quot;Kasi ako hindi niya ako iniistorbo. Kaya kapag gusto ko na makipaglambingan, ako na &#x27;yung gagawa ng paraan. Kasi hindi niya ako iistorbohin, hindi niya kinukuha &#x27;yung atensyon ko.&quot;Siya rin umano sa kanilang dalawa ng nobyo ang mas maalaga at palaging unang nanunuyo.&quot;Ako. Because I have a nurturing heart, I have nurturing hands. Charot. Maalaga ako talaga,&quot; ani Vice.&quot;Ako ang laging gumagawa ng paraan para maging maayos ang lahat,&quot; sabi pa niya. &quot;Sa dami ng stress sa buhay, kung ano &#x27;yung pinakamabilis na gawan ng paraan, gawan na agad ng paraan. Kung ano &#x27;yung pinakamadaling solusyonan, susulosyunan. Ayoko nung matutulog na magkaaway, ayaw ko ng ganun. Sayang ang time kaya suyo agad, ayusin agad.&quot;Pag-amin naman ni Vice, kung siya ang mas maalaga ay mas sweet kaysa sa kanya si Ion.&quot;Siya. Mas touchy-feely si Ion, pero sweet din ako. Ang tanong mo lang kasi sino &#x27;yung mas eh,&quot; aniya. Si Ion din umano ang unang nahulog sa kanilang dalawa, at siya rin ang unang nagsabi ng &quot;I love you.&quot; &quot;Siya. ... Patay na patay siya sa akin, eh,&quot; natatawang sagot ni Vice, habang sabi naman ni Ion, &quot;Ako, hinahalikan ko pa nga &#x27;yan eh, tapos umiilag ilag siya.&quot;Samantala, parehas ang naging sagot ng dalawa sa tanong na kung sino sa kanila ang mas madalas na magselos.&quot;Ay hindi namin problema &#x27;yun,&quot; sagot ni Vice. &quot;Walang madalas magselos pero may instance na nagselos, siya (Ion) &#x27;yun, pero isang beses lang. Hindi kami nagseselos, tsaka iniiwasan namin gumawa ng dahilan para makaramdam ng ganun. Kunyari ako, kahit alam ko namang hindi siya seloso, kung feeling ko baka ma-affect siya, o baka magselos nang kaunti, iiwas na ako.&quot;&quot;Tsaka siya naman kasi, kapag alam niyang pupuntahan niya tapos feel niya na magseselos ako, magpapaalam naman siya, eh. Sasabihin naman niya, &#x27;Babe okay lang na pumunta ako sa ganto?&#x27; &#x27;Oo, sige, babe. Okay lang.&#x27; Iniiwasan talaga namin &#x27;yung selos,&quot; dagdag ni Ion.Nang tanungin naman kung sino sa tingin nila ang unang bibitaw sa relasyon, mabilis na sagot ni Vice: &quot;Definitely hindi ako. Ako ha personally hindi ko nararamdaman sa amin &#x27;yun. Sa puntong &#x27;to ngayon ha, kung gaano ka-intense &#x27;yung samahan namin. Kung gaano ka-intense &#x27;yung feelings namin sa isa&#x27;t isa. Hindi ko &#x27;yan nararamdaman na mangyayari anytime soon. And hindi ko &#x27;yan nararamdaman na kaya ko &#x27;yang gawin, at hindi ko rin nararamdaman na kayang gawin &#x27;yan ni Ion. Kaya for me, sa ngayon, kung gaano ka-intense, parang walang bibitaw.&quot;Tila confident din ang naging sagot ng comedian-host sa tanong kung sino sa kanilang dalawa ni Ion ang mas higit ang pagmamahal para sa isa.&quot;Hindi ko pwedeng ikumpara kung mas malalim &#x27;yung pagmamahal ko sa pagmamahal niya. Hindi ko masasabing mas mahal ko siya kesa mahal niya ako o mas mahal niya ako kesa mahal ko siya. Kasi siya naman nakikita ko naman binibigay niya kung anong kaya niyang ibigay, ako rin naman [ganun]. Natatanggap ko naman kung ano &#x27;yung deserve ko, siya rin naman I&#x27;m trying my best to give him what he deserves. Hindi &#x27;yun nasusukat,&quot; ani Vice.&quot;Tsaka parang hindi na mahalaga sa akin din kung sino ang mas lamang. Ang mahalaga, pareho kaming nagmamahal. Ang mahalaga, &#x27;yung mahal ko, minamahal ako, at &#x27;yung mahal ko, minamahal ko rin. Sapat na &#x27;yun.&quot; <div><a href="https://push.abs-cbn.com/2021/10/1/fresh-scoops/vice-ganda-handa-na-nga-bang-magpakasal-at-magkap-196059">BASAHIN: </a><a href="https://push.abs-cbn.com/2021/10/1/fresh-scoops/vice-ganda-handa-na-nga-bang-magpakasal-at-magkap-196059">Vice Ganda, handa na nga bang magpakasal at magkapamilya?</a></div>Ito lamang Oktrubre ay ipagdiwang ng dalawa ang kanilang ikatlong taon bilang magkasintahan.Matatandaang taong 2019 nang aminin ni Vice ang relasyon nila ni Ion sa ika-10 anibersaryo ng It&#x27;s Showtime.

Muling naging bukas sina Vice Ganda at Ion Perez tungkol sa kanilang relasyon sa pagsabak nila sa sikat na challenge na ‘Who's Who?’ o ‘Sino ang?’