Push Admin

Jerald Napoles, ipinaliwanag kung ano ang impact ng pagkapanalo niya ng Best Actor award

Article (news)

Leo Bukas

Ayon sa film and stage actor na si Jerald Napoles, malaking bagay na ma-recognize at kilalanin ng isang award giving body ang effort niya bilang aktor sa isang pelikula. Kamakailan ay tinanghal na Best Actor si Jerald sa FACINE 28 (28th Filipino International Cine Festival 2021) para sa pelikulang Ikaw At Ako At Ang Ending kung saan ginampanan niya ang karakter ng isang ill-fated bagman sa pelikula na idinirek ni Irene Emma Villamor.“Oo. Siyempre may bearing yon,” reaksyon ng aktor.“Mostly naman kasi pag nanggaling sa theater we want to be considered as an actor and comedian, action star o kung anuman ang brand mo sa movie. Pero kasi ang maganda do’n siyempre, in the age of good content-making mas malawak yung chance na ma-cast ng isang komedyante na na-appreciate sa isang film festival bilang lead actor.“Para sa akin may bearing talaga siya in terms of casting at sa passion ko sa pag-arte kasi ang tagal ko na ring umaarte.“Ano siya, eh, instead parang validation siya of how good am I sa acting mas nakaka-fuel siya kasi ako lagi ko ngang sinasabi na pag nadadagdagan ang edad mo at experiences mo sa buhay nadagdagan yung roles. So mas nakaka-push siya para sa isang aktor o sa isang komedyante na mag-aral ng ibang roles or magkaroon ng idea na posible na magkaroon ka ng role na ganyan,” dire-diretsong pahayag ni Jerald sa PUSH.<div><a href="https://push.abs-cbn.com/2021/10/14/fresh-scoops/jerald-napoles-at-kim-molina-aminadong-napa-prani-196326" target="_blank">BASAHIN: Jerald Napoles at Kim Molina, aminadong napa-praning tuwing sasalang sa swab test</a></div>Sa palagay ba niya mas magiging conscious siya ngayon sa pag-arte dahil sa best actor award niya?Tugon ni Jerald, “Aaminin ko, may mga times siguro na ganun. Pero actually kahit walang award ganun naman akong mag-isip. Kasi ang lagi kong sinasabi at natutunan ko rin actually sa teatro dapat treat your performance as your last. You’re only as good as your last performance, parang ganun.“So kung gusto ko pa ng maraming award siyempre dapat galingan pa natin pero I always play for truth naman kahit sa comedy naman. Kaya kung mapapansin ninyo yung mga karakter ko sa comedy laging may statement kahit papaano. Kahit sa Pangarap Na Holdap, Sa Babaeng Walang Pakiramdam, kailangan yung character ko always play for truth.”Natawa naman si Jerald sa tanong namin kung kasunod ba ng kanyang acting award ang pagtataas na rin niya ng talent fee.“Hindi ko na hawak yan, eh. Wala akong idea sa ganyan,” pangiti-ngiti niyang reaksyon. “Basta hindi maging factor siya sa trabaho na kung gaano kadami yung parating or kakonti go lang,” he said.Samantala, kahit nagbida at naging leading man na sa mga pelikula ay hindi naman isyu kay Jerald na maging sidekick pa rin ni Janno Gibbs sa Mang Jose.“Janno Gibbs yan, eh. Ganu’n lang kasimple ang sagot du’n. At saka okey lang kahit kanino ako mag-side kick. Ganu’n po talaga. Wala namang small role, eh. Okey lang ’an,” paliwanag ng boyfriend ni Kim Molina.Idinagdag din ni Jerald na may benefits ang pagiging sidekick ng isang bigating artista dahil mas nag-i-improve daw ang acting skills niya. “Minsan nga mas naha-highlight pa lalo ang talent mo pag nag-side kick ka sa isang magaling na aktor, eh. Kasi kailangan mong mag-level up, di ba? So, sa akin, blessing na mapasama sa pelikulang ito at mag-side kick sa isang Janno Gibbs,” lahad pa ng aktor.Bago sa Mang Jose na mapapanood sa regular streaming nito sa Vivamax on December 24 ay nagkasama na rin sina Jerald at Janno sa sa pelikulang Pakboys Takusa na prinodyus din ng Viva Films at idinirek naman ni Al Tantay.

Hindi din isyu kay Jerald Napoles ang pagiging sidekick ni Janno Gibbs sa bagong pelikula.