Push Admin

Vice Ganda, inaming sumama ang loob sa ina nang magpunta ng Amerika para magtrabaho

Article (news)

PUSH TEAM

Inamin ni Vice Ganda na sumama ang loob niya sa kanyang ina na si Rosario Viceral nang umalis ito patungong Amerika upang magtrabaho.Sa kanyang pinakabagong vlog, emosyonal na pinag-usapan ni Vice at ng kanyang ina ang naging pag-alis nito ng bansa para mag-OFW o overseas Filipino worker mahigit 20 taon na ang nakakaraan.<div><iframe allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="" frameBorder="0" height="768" src="https://www.youtube.com/embed/KaA1OkzW0ow" width="2042"></iframe></div>“Hindi ko talaga intensyon ‘yun anak,&quot; ani Nanay Rosario. &quot;Pero kasi, nung buhay pa ‘yung tatay mo, talagang gusto kong makarating sa Amerika para makatulong sa income. Kasi nga naglalakihan na kayo. Siyempre nasa isip ko, pagkain, puwede kong hati-hatiin sa inyong magkakapatid. Pero oras na pumasok na kayo ng kolehiyo, hindi ko na mahahati hati ‘yun. Eh kakapirot ang income. Eh ang lola mo nandoon, so I wanted to take advantage of that... Gusto kong makapag-trabaho. Kasi dito sa atin, mahirap eh. Lalo na kung may edad ka na.&quot;Nang matanong kung ano ang naramdaman niya noong aalis na siya ng bansa, sinabi ng ina ni Vice: “Malungkot ako. Biruin mo, flight ko, alas-nuwebe, madaling araw na hindi pa ako naka-impake. Kasi niisip ko nga kayo. Pero pinaliwanag ko na [sa mga kapatid mo], aalis si nanay para maghanapbuhay. Kasi kung maghihintay lang ako ng biyaya na galing kay Mamang, [mamamatay tayo sa gutom].&quot;Ayon kay Nanay Rosario, isa sa mga pinagsisihan niya ay ang hindi niya nakitang lumaki si Vice, na bunso sa limang magkakapatid.“Ang pinagsisihan ko ‘yung hindi ko nakita, dahil ikaw ‘yung pinakamaliit, ‘yung hindi ko nakita ang paglaki mo. Ikaw sa lahat ang hindi ko nasubaybayan lumaki. ‘Yun ang regret ko anak to tell you the truth,&quot; aniya.“Kaya noong una kitang makita nung pumunta ka sa Amerika, nandoon lang ako sa isang sulok,&quot; patuloy ni Nanay Rosario, na hindi mapigilan ang maging emosyonal. &quot;Sabi ng kuya mo, ‘Matatandaan mo pa ba naman Nay ang mukha [ni Vice]?’ ‘Bakit hindi ko matatandaan eh anak ko ‘yun?’ Kaya paglabas na paglabas mo sa eroplano, nakita na kita. Sabi ko, ‘Ay ang tangkad ng anak ko, ibang iba na siya. Hindi na ‘yung Tutoy na iniwanan ko.&#x27;&quot;<div><a href="https://push.abs-cbn.com/2021/3/14/fresh-scoops/what-was-vice-gandas-mothers-dreamfor-him-when-192264">BASAHIN: What was Vice Ganda’s mother’s dream for him when he was a child?</a></div>Dito na inamin ni Vice na nagkaroon siya ng sama ng loob sa ina.“I know,&quot; sagot ni Nanay Rosario. &quot;Kasi nga nung mga panahon na siguro kailangan mong mag-out, wala kang mapapagtanungan. Nasa isip ko ‘yung mga ‘yun. But I had no choice.&quot;Kwento naman ni Vice: “Growing up, ang dami kong tanong. I didn’t understand. Bakit wala akong nanay, matalino naman ako pero walang maga-award sa akin sa school. ‘Yung questions ko about my sexuality, hindi ko alam kung kanino ie-explain. And I was developing this anger towards you. Not because I hated you but because I did not understand.“Pero buti na lang matalino ako. Unti unti naintindihan ko na. And the moment na I understood everything, nawala lahat nung sama ng loob ko kasi naintindihan ko. Naintindihan ko kung bakit mo ginawa. Naintindihan ko kung bakit nagdaan ako sa ganon. Tapos nung naintindihan ko, napatawad kita tapos napatawad ko rin ‘yung sarili ko,&quot; patuloy pa niya.Giit ni Vice, proud na proud siya sa kanyang ina.“Dati, nung hindi ko pa naiintindihan lahat, feeling ko ang hina mong tao. Ang hina ng nanay ko kasi nilamon siya ng kahinaan niya, at nagresulta ‘yun sa pagiging ulila ko. Pero nung naintindihan ko lahat, nung naunawaan ko lahat, I became so proud of you,&quot; sabi niya.“Hindi lang naman ako ang nasaktan nung nangyari ‘yun, nasaktan ka rin,&quot; dagdag pa niya. &quot;Habang nasasaktan ang anak, nasasaktan din ang nanay. Habang umiiyak ang anak, umiiyak din naman ang nanay. Kaya nung naunawaan ko, sabi ko, ang tapang tapang mo.&quot;Hiling ni Nanay Rosario, sana ay napatawad na siya ng kanyang mga anak sa naging desisyon niya na mangibang bansa, dahil para lamang ito sa kapakanan nila. &quot;Hindi kita pwedeng mahalin nang hindi kita napapatawad, at hindi rin ako pwedeng maging anak mo nang hindi kita napapatawad. Dahil anak mo &#x27;ko at ikaw ang nanay ko, natural sa ating dalawa ang patawarin natin ang isa&#x27;t isa,&quot; sagot ni Vice.Dagdag pa niya: “Wala [na] akong nararamdamang [sama ng loob]. May mga pagkakataong sumasama ang loob ko sa ‘yo, naiinis ako sa ‘yo, pero that’s life. Ganun ka rin naman. Pero hindi nababawasan ang pagmamahal ko sa ‘yo. Kung ipapanganak ako ulit, sa susunod na buhay, ikaw pa rin naman ang gusto kong maging nanay. At kahit iwan mo ako ulit at pumunta ka ng ibang bansa, okay lang ‘yun. Sasama ulit ang loob ko tapos patatawarin kita ulit at mamahalin kita ulit. Ikaw ang gusto kong nanay wala nang iba.&quot;

Inamin ni Vice Ganda na sumama ang loob niya sa kanyang ina na si Rosario Viceral nang umalis ito patungong Amerika upang magtrabaho.