Sunshine Cruz: ‘All affairs that I had are worth remembering’

Ayon sa aktres na si Sunshine Cruz, wala siyang masasabing mga naging relasyon in the past na ayaw na niyang maalala pa o gusto na lang niyang kalimutan. We asked her about this dahil related somehow sa present status ng personal na buhay niya ang title ng bago niyang pelikula na An Affair To Forget na ipapalabas sa Vivamax on December 23.

 “No! Wala! Kasi ang lahat ng affair that I had or love life I learned a lot from it,” simulang sabi ni Sunshine.

 ‘Di ba ganun naman yon, eh. Hindi man nag-work meron tayong natututunan and it makes us a better person. It makes us stronger, so ang affair to forget lang na dapat mong abangan ay itong aking pelikula sa December 23,” susog niya.

 “But for me, I don’t have an affair that I want to  forget. All affairs that I had are worth remembering. Kasi meron tayong mga natutunan do’n eh.

 “Hindi man nag-work out, nag-share naman kayo ng pamamahal sa isa’t isa at na-inspired n’yo ang isa’t isa. At ang pinaka-importante do’n hindi man nag-last or nawala man may natutunan tayo,” patuloy niyang pahayag.

BASAHIN: Sunshine Cruz on spending the holidays with Cesar Montano and blended family: ‘Maayos na lahat’

 Eh, kumusta naman ang lagay ng puso niya ngayon pagkatapos nilang maghiwalay ni Macky Mathay?

 “I am very blessed. I am very happy. Katatapos ko lang ng almost three months lock in taping for a TV project. I did three movies din, ito ngang An Affair To Forget, Pamilya Sa Dilim, Greatest Performance, and then I’m starting one again very, very soon.

 “So walang dapat ireklamo. Blessed ako as well as my kids. My heart is okey,” paniniguro ni Sunshine.

 Bigla kaming sumegue ng tanong kay Sunshine kung naging okey ba ang paghihiwalay nila ni Macky pero minabuti niyang huwag na lang magbigay ng komento tungkol dito.

 “Kuya Leo, I don’t wanna talk that anymore… For now, I’m really not ready to talk about it, kung anuman ang meron o ang wala. I just want to focus right now sa mga ginagawa ko talaga,” saad ni Sunshine.

 BASAHIN: LOOK: Geneva and Sunshine Cruz reunite with cousin Donna Cruz

 Nagbigay din ng paliwanag si Sunshine kung bakit tinanggap niya ang sexy film sa Vivamax.

 “If it’s from Vivamax or not wala namang kaso sa akin. Kasi when I read the script I fell in love with it kaagad. So, natawa lang ako at nagulat na bakit kailangan itago sa akin.

 “Wala namang problema sa akin.Trabaho is trabaho, it is a blessing. And ako naman, malaki ang tiwala ko sa amng direktor na si Louie Ignacio na maiingatan ako.

 “Of course, there are something that I need to protect lalo na tatlo na yung mga anak ko na mga dalaga na, pero I did one sexy movie na rin before, I was a cougar ng Cinemalaya at nagandahan naman ang mga anak ko and ito looking forward na rin sila,” paliwanag ni Sunshine.

 Kasama ni Sunshine sa An Affair To Forget ang multi-awarded actor na si Allen Dizon, Karl Aquino, at Angelica Cervantes. The film which is directed by Louie Ignacio is produced by 3:16 Media Network for Vivamax.