Push Admin

Jerald Napoles, hindi pinaniwalaan ng ex-girlfriend na may mararating siya sa showbiz

Article (news)

Leo Bukas

May unforgettable experience pala ang aktor na si Jerald Napoles tungkol sa non-showbiz ex-girlfriend niyang foreigner na basta na lang siya iniwan. Ibinahgi niya ang tungkol dito sa ginanap na mediacon ng pelikulang Girlfriend Na Puwede Na na pinagbibidahan nila ni Kim Molina.Base sa kuwento ng actor-comedian, tila minaliit daw siya ng dating karelasyon sa pangarap niya noon na magkapangalan sa showbiz industry.“Na-experience ko na yung hindi maging enough. Yon, na-experience ko yon sa ex ko,” balik-tanaw niya.Dumating din daw sa punto na hindi na nagtutugma ang mga gusto nilang mangyari sa kanilang relasyon at damay na dito ang mga personal nilang pangarap.“Yung ex-girlfriend ko kasi, hindi ko abot yung gusto niyang mangyari sa relasyon at sa buhay niya. Mabilis yung phasing na gusto niya mangyari in terms of mga pangarap niya sa buhay,” kuwento ni Jerald.<div><a href="https://push.abs-cbn.com/2023/1/12/fresh-scoops/kim-molina-at-jerald-napoles-ugali-ng-isat-isa-857-204893" rel="noopener noreferrer" target="_blank">BASAHIN: Kim Molina at Jerald Napoles, ibinuking kung ano ang ayaw na ayaw nila sa ugali ng isa’t isa</a></div>Hanggang nakaramdam na raw siya ng pressure sa kanilang relasyon.Aniya, “Ang hirap kasi pag may indibidwal kang pangarap tapos ipapasok mo sa relasyon tapos ‘Kailangang humabol ka, partner.’ Parang ganu’n.“Eh, siyempre, kanya-kanya tayong indibidwal, so parang dahil doon hindi ako enough. At saka nasabihan talaga ako ng ganu’n. “Alam ni Kim ito, eh. Pinakamasakit kong narinig yung: ‘Alam mo, hindi na ako naniniwala sa mga pangarap mo! ’Kung yon lang ang pinanghahawakan ko para maabot ko yung gusto niya, saan pa papunta ang relasyon? Ganu’n yung naranasan ko.”Para kay Jerald ay napakasakit na ang mismong karelasyon niya ang hindi naniniwala sa kanyang mga pangarap.“Right there and then, hindi pa kami naghiwalay. Parang may pagtatalo lang. Pero the moment na sabihan ka ng ganu’n… down struck. Kahit sino yata,” lahad pa ng aktor.“Wala… Tulala ako na parang… Kasi, ‘Sinabi ba niya sa harapan ko ’to?’ Nagpo-proseso ako nu’n, eh. After a few hours, nagkasundo man kami right after that debate, pero pag patulog ka na.“‘Ay, parang masakit yon, ah. Sandali. Ano ito bukas? Paano ko igigising ito?’ May ganu’n. During that time…. alam niya yung dreams ko, eh.“During that time, theater actor na ako tapos I was under APT. Medyo nagka-character actor na ako nu’n. Of course, my dream is to get bigger in the industry kahit papano… respected actor in the industry.“Para sabihin niya sa akin na, ‘I don’t believe in your dreams anymore…’ Where am I now? Yon, ganu’n na lang,” huling sabi ni Jerald. <div><a href="https://push.abs-cbn.com/2022/7/23/fresh-scoops/jerald-napoles-and-kim-molina-celebrate-8-years-to-201406" rel="noopener noreferrer" target="_blank">BASAHIN: Jerald Napoles and Kim Molina celebrate 8 years together: ‘Ngayon lang ako nakumpleto ng ganito’</a></div>Ipinagpapasalamat naman ni Jerald na nagkakilala sila ni Kim at ito ang naging karelasyon niya ngayon at business partner na rin.Kasama rin sa Girlfriend Na Puwede Na si Gab Lagman. Palabas ang pelikula sa mga sinehan simula January 18.<div> </div>

Jerald Napoles sa dating karelasyon: ‘Na-experience ko na yung hindi maging enough.’

Jerald Napoles sa dating karelasyon: ‘Na-experience ko na yung hindi maging enough.’