Push Admin

Ejay Falcon hindi nakatanggi kay Coco Martin; aminadong nami-miss din ang pag-aarte kaya tinanggap ang ‘Batang Quiapo’

Article (news)

Leo Bukas

Walang chance na magkausap kami nang personal ni Oriental Mindoro Vice Governor Ejay Falcon dahil sa sobrang hectic ng kanyang schedule. Pero isa-isa niya namang sinagot ang mga tanong namin sa Facebook Messenger tungkol sa mga bagong ganap sa kanyang buhay at sa kanyang pagbabalik-teleserye.Isa si Ejay sa mapapanood ng televiewers sa FPJ’s Batang Quiapo na pinagbibidahan ni Coco Martin.Bakit nga ba nag-decide si Ejay na bumalik sa pag arte sa teleserye?“Bagamat lingkod bayan na po ako ay di naman mawawala ang pagmamahal ko sa pag-arte. Kaya nung natanggap ko &#x27;yung offer para sa role na ito sa Batang Quiapo, sabi ko mahirap palampasin ‘to. Chineck ko din agad ang aking schedule at awa ng Diyos. Eh tugma naman,&quot; aniya. “Kaya hindi na ko nagdalawang isip pa at umoo ako na gawin ang project. Para din to sa mga nag-memessage sa akin na na-mimiss na akong makita sa telebisyon,” pahayag ng Kapamilya actor sa PUSH.Nami-miss ba niya ang umarte?Sagot ni Ejay: “Oo naman. Lalo pa ngayon na ibang-iba na ang mundo ko bilang bise gobernador. Nakaka-miss na may calltime ka, na nasa set ka at nasa harap ng kamera gumaganap ng isang papel.”Kumusta ang pakiramdam na makatrabaho si Coco Martin?“Siyempre, masaya na nagkasama kami uli. Si Coco kapag nakakausap ko &#x27;yan, madami ako natutunan sa kanya. Masaya siyempre &#x27;yung naging kumustahan namin at isa pa rin siya sa pinaka-nirerespeto kong artista sa industriya,&quot; saad niya. “Actually, malayo pa lang ako noong dumating ako sa set ay sumigaw na po agad siya ng,‘Vice Gov.’ At nakakatuwa na nagpasalamat siya sa akin na tinanggap ko &#x27;yung role,&quot; pagbabahagi pa ni Ejay. “Pero mas higit akong nagpasalamat sa kanya and naikuwento niya sa akin na very proud siya sa akin bilang lingkod bayan. Masaya rin akong muling nakita ang  isa sa mentors ko at director ko sa Katorse na si Direk Malu Sevilla,&quot; ani Ejay. <a href="https://push.abs-cbn.com/2023/1/16/fresh-scoops/ejay-falcon-to-join-coco-martin-in-batang-quiapo-2-204978" id="isPasted"></a><div><a href="https://push.abs-cbn.com/2023/1/16/fresh-scoops/ejay-falcon-to-join-coco-martin-in-batang-quiapo-2-204978">READ: Ejay Falcon to join Coco Martin in ‘FPJ’s Batang Quiapo’</a></div>“Sa kanya ako nag-umpisa sa serye na Katorse at sa comeback ko ay siya pa rin ang direktor ko kaya nakakatuwa po talaga,” muling kuwento ni Ejay.Sa tanong namin kung tuluy-tuloy na ba ulit ang pag-aartista niya, ani Ejay ay depende raw &#x27;yun sa project at sa kanyang schedule sa Orietal Mindoro bilang vice governor.“Depende pa rin po sa projects dahil sa ngayon prayoridad ko na maglingkod sa mga taga-Mindoro. Ibinigay nila sa akin ang kanilang tiwala at gusto ko siyempreng magampanan ang aking tungkulin,&quot; ani pa niya. “Bukas pa rin tayo na gumawa ng projects mapateleserye o pelikula man &#x27;yan. Pero definitely hindi ko mabibigay ang lahat ng oras ko para dun. Kung kaya ng schedule ko bakit po hindi,” lahad ng actor-politician.Naka-adjust na ba siya sa pagiging public servant?“Opo. Mabilis naman po akong naka-adapt at ngayon nga ay gamay naman na po. Di lang sa trabaho kung hindi sa buhay probinsya na rin dahil sa Mindoro na po talaga ako nakatira at lumuluwas na lang kapag kailangan,” sagot ni Ejay.Ano reaksyon niya na kahit sa pulitika ay maraming naninira o namba-bash sa kanya?Paliwanag ni Ejay: “Di naman po ako nagugulat. Unfortunately, wala naman pong pinipiling industriya ang bashing. Hanggat may taong hindi ka gusto o hindi tugma sa paniniwala mo, makakabasa’t makakabasa ka po talaga ng negative  na mga komento sa kanila lalo na sa social media.&quot;<a href="https://push.abs-cbn.com/2023/1/10/fresh-scoops/coco-martin-kicks-off-filming-of-batang-quiapo-102-204869" id="isPasted"></a><div><a href="https://push.abs-cbn.com/2023/1/10/fresh-scoops/coco-martin-kicks-off-filming-of-batang-quiapo-102-204869">READ: Black Nazarene devotee Coco Martin kicks off filming of ‘Batang Quiapo’</a></div>“Ako, artista pa lang po ako bukas naman ako sa constructive criticisms, pero never sa bashing. Pinipili ko ang mga komentong aking papakinggan. At kung may natutunan man ako sa bashing na &#x27;yan noong nag-aartista ako, iyon ay lalabas at lalabas ang katotohanan,&quot; saad ni Ejay. “Bawat masasakit na salita, sa halip na damdamin ay labanan mo ng mahusay na gawa. Dahil kapag ginagalingan mo naman sa trabaho, nakikita ito ng mga tao at darating ang araw wala na silang mapupukol sa ‘yo. At naniniwala po ako ka habang ibinababa ka ng isa o dalawang tao ay merong 100 o libo at higit pang nagmamahal sa iyo,” ang punumpunong ng wisdom na pahayag ng Kapamilya actor.

Bagama't balik-telebisyon na si Ejay Falcon, prayoridad niya pa rin ang kanyang pagiging lingkod-bayan.

Bagama't balik-telebisyon na si Ejay Falcon, prayoridad niya pa rin ang kanyang pagiging lingkod-bayan.