Push Admin

Ai-Ai Delas Alas, dalawang beses nang nabigo sa IVF

Article (news)

Leo Bukas

Bumalik muna ng Pilipinas si Ai-Ai delas Alas na naka-base na ngayon sa Amerika dahil gagawa siya ng pelikula. The title of the movie is Litrato na ipoprodyus ng 3:16 Media Network, mula sa screenplay ni Ralston Jover, at mula sa direksyon ni Louie Ignacio.Sa ginanap na storycon ng Litrato ay inamin ni Ai-Ai na dalawang beses na nilang sinubukang makabuo sa paraang in vitro fertilization (IVF) ng asawa niyang si Gerald Sibayan pero hindi raw ito naging successful.“Yon kasing mga ano namin, yung babies namin, yung dalawa… ayan, tingnan mo, naluluha na naman ako. Yung dalawa, hindi natuloy. Isa na lang ang natira,” emosyunal na pahayag ni Ai-Ai na pinipigilang mapaiyak.<div><a href="https://push.abs-cbn.com/2022/12/29/ai-ai-thankful-nalahian-ni-miguel-vera-1140">BASAHIN: Ai-Ai delas Alas thankful na ‘nalahian’ ni Miguel Vera </a></div>Kaya kahit mas kilala raw siya bilang comedy actress ay kaya naman daw niyang magdrama dahil marami siyang paghuhugutan.“Oh, nakita mo na? Nakita mo ang buhay ko, di ba? Alam mo na!” nagpapatawa niyang bulalas.Sa Litrato ay gaganap si Ai-Ai ng karakter ng isang lolang may Alzheimer&#x27;s na hindi nakikilala ang kanyang pamilya.Sa sumunod na tanong kung umaasa pa rin ba sila ng asawa niyang si Gerald na magkaroon ng baby ay hindi na nagsalita si Ai-Ai.Pero matatandaang sa previous interview sa aktres ay talagang excited nitong sinabi kung paano niya pinaghahandaan ang IVF procedures. Tuluy-tuloy din daw ang kanyang pagwu-work out para lalo pang lumakas ang kanyang pangangatawan.“Nag-aasam-asam pa rin ako na magka-baby ako, kaya pinapalakas ko yung likod ko, tsaka nagkaka-muscle-muscle ako. Para, kumbaga, ma-carry ko man yung baby ko kahit papaano,” sabi noon ni Ai-Ai.2022 ang target noon ni Ai-Ai na magka-baby.“Kung papayagan ako ng doktor, mga 2022, kung papayag pa yung doktor. Pero kung hindi na, nganga! May iba pa namang paraan. Bahala na si Lord,” bahagi ulit ng pahayag noon ni Ai-Ai.<div><a href="https://push.abs-cbn.com/2022/12/17/ai-ai-delas-alas-inalala-ang-naging-encounter-kay-jovit-baldivino-1149">BASAHIN: Ai-Ai delas Alas inalala ang naging ‘encounter’ kay Jovit Baldivino </a></div>Anyway, aminado ang 58-year-old comedienne na malaki ang maitutulong sa kanyang role bilang lolang may dementia ang personal na karanasan niya sa biological mother na si Gloria na nagkaroon din ng Alzheimer’s disease bago ito bawian ng buhay noong December 2013.“May Alzheimer’s disease ang biological mother ko na si Gloria. Pero hindi ako lumaki sa kanya dahil adopted ako ng auntie ko so hindi siya masyadong sweet sa akin kapag hindi niya ako nakikilala.“Four years bago siya mamatay, sa akin siya tumira. Noong nakikilala pa niya ako dahil wala pa siyang Alzheimer’s, ayaw niyang tumira sa akin kasi parang feeling niya, nahihiya siya dahil ipinamigay niya ako.“Pero nakukyutan ako sa kanya kapag tinatanong ko siya kung sino ako. Minsan, kumare niya ako. Minsan, tiyahin niya ako. Kung anu-ano… In person, kung sinu-sino ang sinasabi niya.“Pero meron akong standee na naka-pink ako na parating nasa kuwarto niya. Yun ang kilala niya. Kapag tinanong siya, ‘Sino ito, &#x27;Nay?’ ang sagot niya, ‘Anak ko, si Ai-Ai. Anak ko yan!’ Yon [standee] ang inaabutan niya ng tinapay, pinagagalitan niya. Pero in person, hindi niya ako kilala. Ang cute, di ba, pero malungkot,” pagre-recall ni Ai-Ai.Hindi naman mapigilan ni Ai-Ai ang pagluha sa tuwing napag-uusapan ang biological mother niya. Dalangin din niya na sana raw ay huwag siyang magkaroon ng Alzheimer’s disease dahil sa mga nakita niya sa nangyari noon sa kanyang tunay na ina.Sana raw ay huwag dumating ang panahon na hindi na niya makikilala ang kanyang mga anak.Samantala, tampok din sa Litrato sina Ara Mina, Quinn Carrillo, at Bodjie Pascua.

Naging emosyonal si Ai-Ai Delas Alas nang ikuwento ang nangyari sa kaniyang IVF procedure sa Amerika.

Naging emosyonal si Ai-Ai Delas Alas nang ikuwento ang nangyari sa kaniyang IVF procedure sa Amerika.