Push Admin

Mark Anthony Fernandez game sa gay role pero may limitasyon

Article (news)

Leo Bukas

Nagsimulang sumabak sa paggawa ng sexy roles si Mark Anthony Fernandez sa pelikulang Scorpio Nights 3 na pinagbidahan ni Cristine Bermas. Nasundan pa ito ng mga pelikulang sexy din ang genre tulad ng Pamasahe, Night Bird, at Bela Luna.Ayon kay Mark Anthony, malaki ang naitulong ng kanyang healthy lifestyle at regular na pagwu-workout para ma-build ang kanyang confidence sa pagpapakita ng kanyang katawan sa pelikula.“Well, mas matapang ako ngayon kasi pinaghirapan ko naman ang porma ng katawan ko ngayon. Talagang nag-eensayo ako everyday at hinahanap na ng katawan ko kapag hindi ako nakapag-exercise.“I’d say I’m more fit now than when I was much younger, so I feel puede naman akong maging mas daring sa movies that I do now,” lahad ng 44-year-old actor.Bukod sa panlabas na itsura at pangangatawan ay may malaking benepisyo din daw sa kanyang mental health ang pagwo-workout.Ani Mark, “Mag-1,500 days or almost two thousand days na akong puro ensayo. Nagsimula yon nung 2018. Hindi lang mental health, kasi para sa akin, yung physique ko, yung figure ko, pag medyo hindi tama yung weight katawan ko, hindi lumalabas yung dating ko kumbaga.“Feeling ko panget ako kapag hindi yung eksaktong weight ko o yung tamang weight. So bilang nasa proper weight talagang na-uplift ako.”<div><a href="https://push.abs-cbn.com/2022/9/9/fresh-scoops/mark-anthony-spends-time-with-son-grae-202304" rel="noopener noreferrer" target="_blank">BASAHIN: Mark Anthony Fernandez spends time with son Grae </a></div>Ibinahagi din ni Mark how his physique contributed to his career growth as an actor.“Feeling ko talagang ganun. Kahit makikita mo sa statistics, kapag hindi ako nasa proper weight, parang hindi ako masyadong… Walang masyadong itsura or dating bilang artista. Parang ganun.“Hindi naman ako obese or anything, ang nangyari sa akin kaya ako tumaba dati, yung kapatid kong si Vandolph, naaksidente, nag-alaga ako sa kanya, tumaba ako noon. Tapos bago noon, kumbaga baby fats tapos yon nga, nakuha ko yung proper weight ko hanggang sa na-steady na tapos sadly tumaba ako ulit.“Noong nitong huli, yung sa na-jail ako, ayaw akong pag-ensayuhin doon. So pagkalaya ko, todo ensayo ako. Kasi ang weight ko talaga, payatot talaga, so pag mataba ako, hindi rin ako sanay na overweight, payat talaga yung natural sa akin,” paliwanag ni Mark.<div><a href="https://push.abs-cbn.com/2022/8/18/fresh-scoops/mark-anthony-fernandez-nagsalita-sa-isyu-201848" rel="noopener noreferrer" target="_blank">BASAHIN: Mark Anthony Fernandez, nagsalita sa isyu na may nabuntis siyang isang ‘lady guard’</a></div>Natanong ang dating matinee idol ng sikat na grupong Gwapings kung game din ba siyang gumawa ng gay movie.Sagot niya, “I already played a gay role in Barumbadings with Baron Geisler, but we weren’t required to do do gay sex scenes there. Okay lang naman siguro to do such films, but hindi ko kaya yung makikipaghalikan o bed scene sa kapwa ko lalaki.“Actually, what I really want to do is a dual role. My dad (Rudy Fernandez) did a movie like that with my mom (Alma Moreno) na ang title ay Babalik Ka Rin. Kung may magre-remake noon, I’d be happy to do it,” sambit pa ni Mark Anthony.<div> </div><div> </div>

Nakatulong ang healthy lifestyle ni Mark Anthony Fernandez sa kanyang confidence sa pagpapakita ng kanyang katawan sa pelikula.

Nakatulong ang healthy lifestyle ni Mark Anthony Fernandez sa kanyang confidence sa pagpapakita ng kanyang katawan sa pelikula.