Push Admin

Cristine Reyes: ‘Masaya naman ako kahit walang lalake’

Article (news)

Leo Bukas

Bukod sa romcom na gagawin ni Cristine Reyes na ang leading man ay si Empoy Marquez ay susunod niya namang gagawin ang isang drama movie kasama si Baron Geisler. Wala pang title ang pelikula pero ang magdidirek nito ay si Marla Ancheta na director din ng critically-acclaimed movie ni Baron na Doll House.“Yon matindi yon. Hindi ko alam kung pang-Netflix din ba yon. Hindi ko na alam pagdating sa mga ganyang detalye,” ani Cristine.Handa ba siyang tapatan ang galing ni Baron bilang aktor sa pelikula?“Nakatrabaho ko na si Baron dati sa Eva Fonda, so I think we have ano naman, a good working relationship,” reaksyon ng aktres.Twenty years na sa showbiz industry si Cristine at 15 years naman sa pangangalaga ng Viva Artists Agency (VAA) at ayon sa kanya marami pa siyang gustong subukang gawin na may kaugnayan din sa kanyang propesyon lalo na raw ang makagawa ng international projects.<div><a href="https://push.abs-cbn.com/2023/2/12/cristine-reyes-hindi-inasahang-tatagal-ng-20-taon-sa-showbiz-1431">BASAHIN: Cristine Reyes, hindi inasahang tatagal ng 20 taon sa showbiz </a></div>Saad niya, “I do have plans siyempre, pero hindi po natin puwedeng ipilit yon, eh. Kumbaga, siguro timing din and kung ibigay yon sa atin nang kusa, I mean kung may offer. I would love to do an international project, who doesn’t?“Actually, marami pa akong gustong gawin. Gusto ko rin sana matutong magsulat kasi marami rin akong creative things that I want to put into films as well.“Medyo ano lang ako, nagte-take ng time. Gusto ko lang din… Ayoko kasing gawin yung mga bagay na pilit. So I want to take my time to do things that I want to do like yon nga, I want to eventually write and who knows kung saan man po ako dadalhin.Samantala, matagal na rin single si Cristine pagkatapos nilang maghiwalay ni Ali Khatibi na ama ng eight-year-old daughter niyang si Amarah. Ani Cristine, masaya siya sa pagiging single mom at hindi niya priority ngayon ang magka-dyowa.“I don’t even feel I am a single mom because I am happy and contented with my life,“ pahayag agad ni Cristine.Pero paano kung may manligaw ulit sa kanya?Sagot niya, “Feeling ko dapat mag-background check muna tayo. Hahaha! Mas careful na dapat ngayon!“Ako kasi kapag naiisip ko yung nakaraan, parang, huwag muna. Hahaha!”<div><a href="https://push.abs-cbn.com/2023/2/8/baron-geisler-s-film-bangsamoro-to-be-shown-at-cannes-film-festival-920">BASAHIN: Baron Geisler’s film ‘Bangsamoro’ to be shown at Cannes Film Festival </a></div>Bakit na-trauma ba siya sa pakikipagrelasyon?“Hindi ko naman sasabihin na trauma siya. It’s just that I’ve learned my lessons, not to force this! I mean, hindi dapat pilitin,” rason niya.“Masaya naman ako kahit walang lalake! Mas masaya nga kung puro beki ang kasama,” natatawang hirit pa ni Cristine.Si Cristine ay gaganap bilang Imee Marcos sa pelikulang Martyr or Murderer na ipapalabas sa March 1. Bida rin sa pelikula sina Cesar Montano at Ruffa Gutierrez.