Push Admin

Pilot episode ng ‘FPJ’s Batang Quiapo’ at acting Miles Ocampo trending at pinag-usapan ng madlang pipol

Article (news)

Leo Bukas

Pinag-usapan nang husto at talaga namang trending ang pilot episode ng pagbabalik-teleserye ni Coco Martin sa ABS-CBN nitong Lunes ng gabi, Pebrero 13 sa <a href="https://ent.abs-cbn.com/batangquiapo">FPJ’s Batang Quiapo</a>. Muling pinatunayan ni Coco na siya ang nag-iisang primetime king dahil sa taas ng ratings na nakuha ng Batang Quiapo na 21.89% national TV ratings base sa Kantar Media.Nakapagtala naman ng 364,000 concurrent viewers ang pilot ng BQ na may hashtag na #FPJsBatangQuiapoDay.Sa Kapamilya Online Live sa Facebook ay sabay-sabay ding nanood ang mahigit 23,200 viewers habang umabot naman sa 341,564 ang tumutok sa YouTube.Hindi pa kasama sa bilang na ito ang mga nanood sa TV5, A2Z, Kapamilya Channel, at iWant TFC. At ang libu-libong nanoood sa publc viewing ng <a href="https://ent.abs-cbn.com/batangquiapo">Batang Quiapo</a> sa Plaza Miranda sa Maynila na na dinaluhan ng ilang cast members sa pangunguna ni Coco, mga ABS-CBN executives, at ni Miles Ocampo na trending din ang naging performance sa pilot episode.And speaking of Miles nga, puring-puri ng mga netizen ang pagganap ni Miles pati na rin ng former beauty queen na si Precious Lara Quigaman bilang younger version nina Cherry Pie Picache at Charo Santos, respectively.<div><a href="https://push.abs-cbn.com/2023/2/14/miles-ocampo-pinasalamatan-si-coco-martin-may-nakaka-appreciate-pa-pala-sa-akin-1604">BASAHIN: Miles Ocampo, pinasalamatan si Coco Martin: ‘May nakaka-appreciate pa pala sa akin’ </a></div>Marami ang naantig sa madramang tagpo ng dalawang aktres, pero lalong kinilabutan ang manonood sa eksena ni Miles habang nanganganak ito sa tindahan ng isda. Pinag-usapan ang galing ni Miles lalo na sa part na isinisigaw niya ang “Anak ko yan…” na tangka sanang kidnapin ng karakter ni Ryza Cenon.Dumagsa ang mga papuri kay Miles at nagwi-wish ang netizens na sana raw ay bigyan pa ng magagandang role ang aktres.Maging si Coco ay puring-puri din ang performance ni Miles at kung gaano ito ka-professional. Pinuri din ng netizen ang ABS-CBN dahil sa world class na kalidad ng bagong programa.Narito ang ilan sa magagandang feedback kay Miles:“You deserve this spot! Ang galing Miles Ocampo! Binigyan ng Justice!”“Ibigay natin ang pilot episode kay Miles Ocampo. Mahusay na aktres!”“Miles Ocampo, everyone. No wonder why Direk Coco said they applauded when editing Miles Ocampo’s scene/s. She’s indeed one of this generation’s best actresses.”“Dasurv na dasurv ni Miles Ocampo at Lara Quigaman ang role sa backstory dahil ang gagaling naman talaga.”“Miles Ocampo – the first one (in her generation) who had done this scene. Oh actress Miles, you’re finally getting the projects you deserve. Long overdue but, still, ito na. Nakakaiyak.”“Another TV gold moment was born. THE Miles Ocampo everyone.”<div><a href="https://push.abs-cbn.com/2023/2/12/coco-martin-may-isang-maling-desisyon-na-pinagsisisihan-1021">BASAHIN: Coco Martin may isang ‘maling desisyon’ na pinagsisisihan </a></div>Kitang-kita ang nag-uumapaw at solid na suporta ng Kapamilya viewers sa <a href="https://ent.abs-cbn.com/batangquiapo">Batang Quiapo</a>. Kaya naman lalong nai-inspire si Direk Coco Martin na pagandahin pa ang teleserye para mas maibigan pa ito ng mga manonood.Kapit lang at gabi-gabi nating pakatutukan ang teleserye na ito pagkatapos ng TV Patrol. Mapapanood ito sa Kapamilya Channel, A2Z, TV5, CineMo, Kapamilya Online Live, iWantTFC, at TFC.

Puring-puri ng mga fans ang pilot episode ng ‘FPJ’s Batang Quiapo’ at ang pagganap ni Miles Ocampo.

Puring-puri ng mga fans ang pilot episode ng ‘FPJ’s Batang Quiapo’ at ang pagganap ni Miles Ocampo.