Ogie Diaz tumangging maging bahagi ng primetime news ng isang TV network dahil sa kanyang mental health

Inalok ang content creator, actor, and talent manager na si Ogie Diaz na maging bahagi ng isang news program pero tinanggihan niya ito.

“Nakakatuwa. Kung kelan ako tumatanda, doon naman nanganganak ang trabaho. May demand ang lola n'yo. Nu'ng araw, nangangahoy pa ako ng work, eh. Kasi nga, dalawang pamilya ang binubuhay.

“Eh, nu'ng bata-bata pa ako, sige lang, hangga't may naniniwala sa kakayahan ko, go lang. Kung bilang aktor sa teleserye o pelikula, laban lang. Sayang ang anda (ang datung),” pahayag ni Ogie sa kanyang Facebook post.

Bukod sa pagiging vlogger at actor ay isa ring talent manager si Ogie. Siya ang manager noon nina Vice Ganda at Liza Soberano.

“Dami din gusto magpa-manage bilang talent manager din ang lola n'yo. 'Yung iba, feeling nila, kung napasikat natin si Vice Ganda at si Liza Soberano, gano'n din ang mangyayari sa career nila oras na ako ang maging manager nila.

“Nako, hindi naman gano'n kadali 'yon. Ipinapasaksak ko sa utak nila, tulay lang ang manager. Sila pa rin ang guguhit ng kanilang kapalaran. Kung hindi swak ang manager-talent relationship natin, baka hindi ako ang kakambal ng swerte mo. Tanggap ko naman yon. Kasi naniniwala ako, pag kayo ang pinagtagpo ni Lord para maging successful, ikaw talaga ang itinakdang manager para sa talent na 'yon.

“Eh, ngayon nga, sa totoo lang, nagbabawas na ako ng mina-manage, eh. Hindi ko na kaya ang maraming stress. Lalo na kung pasaway 'yung talent. Kung hindi man pasaway, ayaw ng talent 'yung career path na gusto mo para sa kanya. Or you don't share the same vision, nire-release ko na lang to save the friendship. So kung sino lang ang makakatagal sa amin, 'yun na lang ang nire-retain ko—dahil ayaw ko na nga ng stress.

BASAHIN: Ogie Diaz reveals he rejected payment for a collaboration with Wilbert Tolentino: ‘donate mo nalang’

“Matanda na ako para humigop pa ng mga personal nilang problema. Career lang ang mina-manage mo, pero kahit sa personal nilang buhay, kailangan mo rin silang pakialaman pero hindi nila 'yon naiiintindihan.

“Anyway, so much has been said about the journey of being a talent manager. Yung pagiging aktor naman, in fairness to ABS-CBN, open naman sila pag sinabi kong pwede na akong umarte uli. Hinihintay lang nila ako, pero 'yun nga, ine-enjoy ko pa 'yung hawak ko pa ang oras ko.

“Ine-enjoy ko ang vlogging. 'Yun na lang for now ang mine-maintain ko since kahit saan naman tayo magpunta, nakikilala pa rin naman tayo. Mas marami ngayong nagpapa-picture kumpara noong lumalabas ako sa TV. Dati kasi, ang daming nagpapa-picture sa akin, pero 'yung ipapahawak lang sa akin ang camera at pipikyuran ko na sila. Hahaha! Charot lang,” kuwento pa niya.

Sumunod na ibinalita ni Ogie ang offer sa kanya ng isang TV network.

Lahad niya, “Nga pala, may tumawag sa akin, kaibigan kong executive producer na nasa ibang network na ngayon. Inaalok ako na maging bahagi ng isang primetime news program na araw-araw napapanood.

“Natuwa ako kasi, may asim pa pala ang lola n'yo, hahaha! Pero magalang kong tinurn down ang magandang offer. Sabi ko nga sa inyo, ang tanda ko na, eh. Pag tinanggap ko yon, dagdag stress sa akin.”

BASAHIN: Ogie Diaz is proud of his daughters 

Isa rin sa dahilan kung bakit ayaw niyang tanggapin ang offer ay dahil sa nararanasan niyang anxiety.

“May anxiety na kasi ako. Sumusumpong siya tuwing magigising ako nang 4 am. Aabutin nang isang oras bago ako makatulog uli. Kasi iniisip ko na naman yung malungkot na na-encounter ko kahapon. Wala, eh. Worrier talaga ako, lalo na sa pamilya at kaibigan,” pagtatapat ni Ogie.

“Kaya sabi ko sa EP friend ko, ‘pag meron na lang kayong gustong ikonsulta sa akin, kahit walang bayad, I'm willing to share!" sabi ulit niya.

“Seryoso, nag-e-enjoy ako sa mga panahon ngayon na hawak ko ang oras ko. Ako ang boss ng sarili ko. At alam kong may boses ako, pinakikinggan ako whether they like me or not.

“Alam ko namang may mga problema pa ring dumarating, hindi naman talaga maiiwasan yon, pero alam mo yon? Magagaan na lang? Hindi na ako masyadong natetensyon.

“Mahalaga ang pera, oo. Kailangan pa ring kumayod para sa pamilya, lalo na sa panahon ngayon na hirap talaga ang buhay. Pero nakakahiya naman kung kayod marino ka all your life tapos hindi ka man lang nakapag-save for the future, di ba? Ako pa ba pagdating sa pag-iipon? Lalo na at may pamilya.

“Honestly? Ang gusto kong gawin o trabahuhin ay 'yung gusto ko, 'yung passion ko, pwedeng bago pero andu'n ang excitement. 'Yung itsa-challenge ko pa ang sarili ko sa bagong journey that excites me para aralin at matutunan yon.

“Pwedeng maging failure pero matututo sa pagkakamali. Oo, me mga negosyo akong ang gullible ko lang. Sumosyo sa kanilang iniyayabang na negosyo o pagkakakitaan, pero nasunog lang ang pera sa chicken farm (Paging Pia Romeo, yung dyowa ni Terrence Romeo, hangad ko pa rin na makabayad ka) o sa casino junket na wala na ring bumalik.

BASAHIN: Ogie Diaz opens up about Vice Ganda, Liza Soberano leaving his management

“Mga charoterang palaka na makakapal ang mukha, pero ipinagpasa-Diyos ko na lamang. At ipinagdarasal ko na sana maayos pa rin sila at wag silang makarma tulad ng tatlong nanloko sa akin sa pera na binawian ng buhay, pero dahil sa kagagahan, kayabangan, at kasamaan ng ugali siguro, kaya nategi.

“Anyway, at the end of the day, I can still smile, laugh and be with the people I like. Hindi naman ako nilugmok ng mga dagok sa buhay, humihinga pa rin at lumalaban nang patas sa buhay.

“53 na ako. Andu'n na ako sa point ng buhay ko na ang gagawin ko na lang ay what will make me happy and marunong naman na akong makuntento. For as long as walang sinasagasaang ibang tao.

“Bakit ba 'ko nag-e-emote nang ganito? Wala lang. Ang sarap lang sa pakiramdam na sa edad kong ito ay nilalapitan pa rin ako ng maraming opportunities. At kaya ko nang tumanggi, piliin ang mga taong gusto ko lang na nasa paligid ko tulad ng pamilya at ilang piling kaibigan, dahil ang priority ko ay ang mental health ko,” mahabang paliwanag ni Ogie.