Push Admin

Direk Joel Lamangan may pakiusap para sa ‘Oras de Peligro’

Article (news)

Leo Bukas

Kalmado si Direk Joel Lamangan habang iniinterbyu ng press sa ginanap na red carpet premiere ng kanyang pelikulang Oras de Peligro noong February 23, 2023, sa SM Megamall.Halatang natuwa ang direktor sa magandang feedback mula mga sa taong nanood ng pelikula kaya instead na magbigay ng kung anu-anong pahayag at sagutin ang ibang isyu tungkol sa kanya ay nagpasalamat na lang siya sa mga nanood na artista, celebrities at ilang political figures.Matatandaang noong  ginagawa ni Direk Joel ang Oras de Peligro ay pinayuhan na siya ng kanyang mga doktor na maghinay-hinay muna sa pagtatrabaho pero pinilit pa rin niyang tapusin ang pelikula.Dito na siya inatake ng sakit sa puso kaya kinailangan niyang sumailalim agad sa bypass surgery.“Inaatake na ko sa puso while doing this and my doctor told me to stop. But I felt I have to finish this, kailangang magawa ko ito. I only went to the hospital for my bypass after I’ve completed the movie,&quot; aniya. “The doctor said na kung nagtagal-tagal pa, natuluyan na siguro ako. But I’m glad sa natapos kong pelikula and I’m very proud of our movie,” pagtatapat pa ng beteranong direktor.Na-confine si Direk Joel sa ospital noong December 1, 2022 at sumailalim sa ikatlong bypass procedure noong December 5, 2022.Inamin ni Direk Joel na patuloy siyang nakakatanggap ng death threats dahil sa pelikulang Oras de Peligro.Aniya: “Maraming mga banta, pero hindi ako natatakot at hindi ako dapat matakot. Kasi kung matatakot ako, sino pa ang gagawa ng ganitong pelikulang pantapat sa kanila?” “Ang pagsasabi ba ng totoo ay dapat na ikatakot? Dapat tayong magpasalamat na may producers gaya ng Bagong Siklab Productions na willing mag-finance ng mga pelikulang nagsasabi ng totoo,&quot; aniya. “Ang gusto nilang gawin, pagtakpan ang katotohanan, baguhin ang kasaysayan at sila ang palabasing kawawa. Ang mga Pilipino talaga ang nagpatalsik kay Marcos noon sa Malacañang. &#x27;Yun ang totoo at dapat, igalang natin ang kasaysayan,&quot; dagdag pa niya. “Maaaring nabulag na nila ang mga kabataang Pilipino pero dapat, tayong mga Pilipinong nakaranas ng kung ano ang totoo, tayo’y magbantay at hindi pumayag na baguhin nila ang katotohanan at ang history,&quot; pagpapatuloy pa niya. “Aba’y kawawang-kawawa naman ang bayan natin dahil anim na taon pa silang nandiyan para baguhin kung ano ang tunay na naganap sa bansa natin,&quot; ani pa ni Direk Joel. Hindi naman naiwasan ng direktor ang mapaiyak habang pinapanood ang pelikula dahil bumalik daw sa kanyang mga alaala ang pinagdaanan during Martial Law.“Naiyak ako kanina, hindi ko lang ipinakita. Si Jim Paredes, iyak din nang iyak. Bumalik sa aking alaala ang nakaraan, ang mga bumugbog sa akin. Ang mga nag-torture sa akin noong panahon ng martial law,&quot; lahad ng direktor pagkatapos ng premiere night.Bida sa Oras de Peligro sina Cherry Pie Picache at Allen Dizon. Pero kasama rin sa cast ng pelikula sina Therese Malvar, Dave Bornea, Nanding Josef, Mae Paner, Jim Pebanco, Alan Paule, Apollo Abraham, Marcus Madrigal, Alvi Siongco, Gerald Santos, Elora Espano, Rico Barrera, Timothy Castillo, at Crysten Dizon.<div style="text-align:center"><img src="https://od2-image-api.abs-cbn.com/prod/editorImage/Direk-Joel-Lamangan-may-pakiusap-para-sa-Oras-de-Peligro.jpg" style="width:400px" class="fr-fic fr-dib" alt="Direk Joel Lamangan may pakiusap para sa ‘Oras de Peligro’"/></div>May pakiusap si Direk Joel sa mga nanood ng Oras de Peligro.“Marami ang hirap sa paggawa ng pelikulang ito. Nais kong i-share sa inyo, nire-red tag ako, inatake ako sa puso, na-triple bypass ako,&quot; aniya. “Kaya aking pakiusap… kasi gusto ko lang mabuo ang pelikula dahil nagsasabi ito ng totoo. Kayong lahat, tulungan niyo kami, sabihin natin sa buong bayan na panoorin ang pelikulang ito para magkaroon pa ng mga susunod na pelikulang kagaya nito na nagsasabi ng totoo, na pumapanig sa katotohanan,&quot; dagdag ni Direk Joel. “Hindi nagbabaluktot, hindi nagsisinungaling. Sa March 1, panalunin po natin ang pelikulang ito. Magtulung-tulong po tayong lahat. Maraming-maraming salamat po sa inyo!” pagsusumamo pa niya.Samantala, napapanood din si Direk Joel sa <a href="https://ent.abs-cbn.com/batangquiapo">FPJ’s Batang Quiapo</a> ni Coco Martin bilang mahaderang nagpapaupa ng mga puwesto ng tindahan sa Quiapo na ang pangalan ay Rhoda.Palabas na sa mga sinehan ang Oras de Peligro ngayong March 1, 2023.

May pakiusap naman si Direk Joel Lamangan sa mga nanood ng “Oras de Peligro.”

May pakiusap naman si Direk Joel Lamangan sa mga nanood ng “Oras de Peligro.”