Push Admin

Gloria Diaz hindi pabor sa pagsali ng mga single mom, may-asawa, at transgender sa Miss Universe

Article (news)

Leo Bukas

Ayon sa kauna-unahang Pinay Miss Universe na si Gloria Diaz, hindi siya sang-ayon sa pagsali ng mga single mom o may asawa sa Miss Universe. Pero iginiit niya na ito ay personal na opinion lamang niya at hindi dapat i-take against her.“Di dapat, ‘Universe’ na lang, huwag nang ‘Miss.’ Kasi, hindi na ‘Miss’ yon, di ba? Dapat ‘Universe’!“Hindi, I think they even include transvestites. Siyempre, going with the times, no? Pero my personal opinion—which is not to be taken in the negative way—dapat may sarili silang contest. May Mrs. Universe, may Lesbian Universe, may Tranny Universe.“There is room for so much. Oo, mga category na ganoon, ganyan. Tapos, kasi even sa Mrs. Universe, andaming magaganda diyan na nanganak na. OK lang yon,” pahayag ng former beauty queen-turned-actress nang makausap siya ng PUSH sa mediacon ng pelikulang Lola Magdalena na pinagbibidahan niya.<div><a href="https://push.abs-cbn.com/2023/5/1/gloria-diaz-to-portray-a-granny-prostitute-in-joel-lamangan-s-lola-magdalena-1706">BASAHIN: Gloria Diaz to portray a granny prostitute in Joel Lamangan’s ‘Lola Magdalena’</a></div>Nag-umpisa ang “inclusivity” sa Miss Universe nang itaas na ang age limit ng mga gustong sumusali at gawin itong 28 years-old. Dati kasi noong 2016 ay 18 to 26 years old lang dapat ang mga kandidata.“Kasi actually, pag 28 ka na, dapat may career ka na, hindi ba? Dapat mga… like during my time, from 17 or 18 hanggang 23, ikaw na ang pinakamatanda,” ani Gloria.Patuloy niya, “In fact noon, pag may 23 years old, sasabihin nila, ‘And the oldest candidate, 23 years old…’ Ganyan, no? Bukod-tanging ikaw ang pinakamatanda. Pero ngayon, nakaka-28 na yata, puwede pa rin, eh.“It’s hard. It’s a very new idea na sa akin… not very acceptable.”Suggestion pa ni Gloria, dapat daw talaga ay bukod ang beauty pageant para sa mga misis, single mom, lesbian, bisexual, o transgender.“Dapat kanya-kanya! O sige, di at least it gives people more chances, di ba? Kasi, you’re representing this country. Eh, kung may mas magandang babae, o mas magandang tranny… mas mahirap kalaban ang tranny.“Kasi I’ve been a judge sa Super Sireyna. Ang gaganda talaga nila! At talagang palaban. Kaya nilang magsirku-sirko diyan, di ba?” komento pa niya.<div><a href="https://push.abs-cbn.com/2023/4/29/it-s-an-all-filipino-team-for-the-miss-universe-bahrain-council-1444">BASAHIN: It’s an all-Filipino team for the Miss Universe Bahrain council</a></div>Ano ba ang naramdaman niya noong may transgender woman na sumali sa Miss Universe?“Ahhh… parang it’s not… hindi kuwan. hindi too acceptable sa akin. Kasi dapat may sarili silang contest. Not that I’m ostracizing them, but they’re good in some things, eh.“Kung sa talent portion lang, eh, the regular Miss Universe does not really have talent, di ba?” rason niya sabay bawi na super love din niya ang mga beki.“Hindi ba ngayon ang isyu, yung transvestite kuno na athlete, sasali sa competition ng babae? Di ba, that’s a big issue ngayon Parang you can never be, you can never be. You’ll always be stronger. So, siya nga ang nanalo sa swimming. Hindi ba that’s all over the internet na it’s unfair?“Ang lakas niya, at ang wingspan, ang laki! And then it’s very uncomfortable being in the dressing room with them, di ba, yon,” muling pahayag ng 1969 Miss Universe.Sa May 13, 2023 ay gaganapin ang Miss Universe Philippines sa SM Mall of Asia. Hindi raw makakadalo dito si Gloria kahit pa imbitado siya dahil nasa syuting na siya ng Lola Magdalena na mula sa ilalim ng direksyon ni Joel Lamangan at script ni Dennis Evangelista.Gaganapin naman ang 72nd Miss Universe sa Disyembre sa El Salvador.

Para kay Gloria Diaz, mas maganda kung may sari-sariling pageants ang iba’t ibang grupo.

Para kay Gloria Diaz, mas maganda kung may sari-sariling pageants ang iba’t ibang grupo.