Push Admin

Kim Chiu recalls unforgettable incident from her childhood

Article (news)

Leo Bukas

Dahil brand ng napkins at pantyliners ang bagong ini-endorse ni Kim Chiu kaya hindi maiwasang pag-usapan during the contract signing and launching ang naging karanasan niya nung una siyang nagkaroon ng menstruation.Game naman ang Kapamlya actress at It’s Showtime host na nagbahagi ng karanasan niya tungkol dito. Ayon kay Kim, hinding-hindi niya malilimutan ang unang pagkakataon na nagkaroon siya ng period na nangyari sa kanya noong nag-aaaral pa siya.“Parang Grade 6 ako no’n. Twelve years old. Naka-school uniform ako no’n. Pinagtatawanan ako ng mga classmate ko sa likod.“Tapos tawa sila nang tawa sabi ko bakit ano ang nangyayari? Tapos nalaman ko na nga…” natatawang pagbabahagi ni Kim sa mediacon ng Sisters Sanitary Napkins and Pantyliners.“Iyak ako ng iyak sa comfort room. Hindi na ako lumalabas. Hindi talaga ako pumasok ng mga dalawang linggo. Hindi ko talaga alam paano i-handle,” patuloy niyang kuwento.Isa raw ito sa mga dahilan kung bakit hindi nagdalawang-isip ang girlfriend ni Xian Lim na tanggapin ang offer ni Aileen Choi Go, Vice President ng Megasoft Hygienic Products na maging brand ambassador ng kanilang produkto.“Maraming matututunan sa advocacy nina Ms. Aileen, na yun na nga some girls are having problems with their first monthly period. So na-realize ko na later na that’s part of being a woman,” ani Kim.Sa tanong kung sino ang nagturo at gumabay sa kanyang menstrual cycle, sagot ng aktres,“Self-taught na lang talaga. Sabi ko tama kaya ito? Maganda pala talaga na dapat may mga nagsasabi kung ano ang dapat gawin during menstrual period.”“Sana nga dapat kasama na rin siya sa mga health lessons natin sa school kasi very important and practical ang mga ganyang bagay,” hirit pa ni Kim.Samantala, nitong  April 2023 ay nag-celebrate si Kim ng kanyang 17th year sa entertainment industry. Mapapanood na  rin ang aktres sa Kapamilya series na Linlang kasama sina Paulo Avelino, JM de Guzman, at Maricel Soriano.

Kim Chiu says she wished she had someone to guide her during the incident.