Push Admin

Herlene Budol tinapos na ang kanyang pageant journey

Article (news)

Leo Bukas

Tinapos na ni Herlene Budol ang kanyang pageant journey. Hindi na ulit siya sasali sa kahit ano pang beauty contest. Ito ang laman ng kanyang vlog na in-upload niya nitong July 27 sa YouTube.Nilinaw din ng actress-beauty queen ang ilang issue na may kaugnayan sa pagkakapanalo niya bilang Miss Tourism Philippines 2023 sa nagdaang na Miss Grand Philippines 2023 pageant. Napansin kasi sa kanyang reaksyon na hindi siya masaya nang kinoronahan bilang Miss Tourism Philippines.“Pagkatapos ko manalo ng Miss Tourism Philippines, suotin natin ito. Anong hindi masaya? Sobrang saya ko, meron akong ganito, di ba, Miss Tourism Philippines 2023. Sinong hindi sasaya dito?” ani Hipon Girl.Hindi rin daw dapat gawan ng isyu ang naging facial expressions niya that night.“Una sa lahat, kung bakit malungkot ang beshy ko, kasi sobra ho akong nagpipigil ng luha ko. After ko pong sumagot, nagpalit po kami agad ng gown no’n. And then, sumagot na naman ako, panibagong buckle na naman. Ibig sabihin ho, punong-puno ho ako ng sama ng loob sa sarili ko,” pagtatapat pa niya.“After naman po nung crowning naka-smile naman na po si Hipon. Siyempre, hindi lang po ako masaya as Miss Tourism Philippines 2023, natupad din po ang pangarap ko na magkaroon ako ng crown at soon po mare-represent ko ang Philippines sa international pageant. Kaso nga lang si Budol nabudol… opo,” lahad pa ni Herlene.Ipinakita rin ni Herlene ang isang video na nauna niyang ini-record at makikitang malungkot ang aktres habang ipinapaliwanag na hindi na siya muling sasali at tutungtong sa pageant stage.“Nakaka-tatlong pageant na po ako pero hindi pa rin puwede. Ibig sabihin, wag na nating ipilit,” malungkot na sabi ni Herlene.“Ibig sabihin po no’n, ako po si Herlene Nicole Budol na nagsasabi, ‘Sorry, Pilipinas. This is my last pageant. Ba-bye. Herlene Nicole Budol, now signing off,” dagdag pa niya.Hanggang tuluyan na ngang napaiyak ang beauty queen.Lahad niya, “Hindi po ako umaarte ha. Nasasaktan lang po ako kasi parang totoo po yung sinasabi n’yo na pinipilit ko talaga na sumali, na hindi ko po deserve.”“Sumusubok lang po ako. Sumusubok lang po ako na abutin ’yong mga pangarap ko na magkaroon po ako ng crown at ma-represent ko ang Pilipinas pero hindi ko pala kaya.”“Siguro kaya ’yong panahon na yung nagsasabi sa akin na, ‘Hoy, tama na, Herlene. Gumising ka sa katotohanan. Hindi mo kayang irepresenta ang Pilipinas!’”Humingi din ng paumanhin si Herlene sa mga nadismaya sa kanya.“Kaya humihingi po ako ng sorry sa inyong lahat. Sa lahat po ng mga taong sumusuporta sa akin, thank you so much po. Kayo po ang dahilan kung bakit ako po ang nandito. Sa mga may ayaw po sa akin, titigil na po ako. Hindi ko na po ipipilit yung sarili ko,” sabi pa niya.Tanggap din daw niya na hanggang doon na lang ang kanyang pageant journey.“Tinanggap ko na ho nang buong-buo kung ano yung desisyon ko. Siyempre, hindi naman po doon matatapos yung obligasyon ko or yung pagiging inspirasyon ko sa ibang tao na naniniwala po sa kakayanan ko.“Tuloy po ang laban. Malay n’yo sa ibang journey naman po ako dalhin ng Panginoon,” deklara pa niya.Ngayon ay aasikasuhin daw muna ni Herlene ang pagba-vlog.Lastly, ay nag-iwan din si Herlene ng mensahe kay Wilbert Tolentino na nagbitiw bilang kanyang talent manager.“I love you so much, Mima (tawagan nila). Kulang ang salitang salamat sa effort, oras, at pagmamahal na ibinigay n’yo sa akin. Walang hanggang pasasalamat at walang hanggang pagmamahal ang kaya kong ibalik. Utang na loob ko lahat ho ng meron ako. I love you. I love you. Never say goodbye,” huling pahayag ni Herlene.

Pagkatapos mabigo ng ilang beses, tigil na sa pagsali sa pageant si Herlene Budol.

Pagkatapos mabigo ng ilang beses, tigil na sa pagsali sa pageant si Herlene Budol.