Push Admin

Jeric Raval: ‘There’s nothing cool about being a womanizer!’

Article (news)

Leo Bukas

Masuwerte si Jeric Raval na karamihan sa mga ginawa niyang pelikula noon ay puro true-to-life film. Ang first starring role niya sa pelikula ng OctoArts Films ay isa ring true-to-life movie na nasundan pa ng ibang mga katulad na pelikula.“Ang packaging kasi sa akin ng OctoArts noon puro true-to-life, so most of my movie projects ay puro true-to-life stories. sa ngayon, nabibigyan pa rin ako ng ganito.“Nung 2017 may ginawa din ako sa Viva, yung Manila’s Finest. Yon ata yung pinaka-last ko,” kuwento ni Jeric nang makausap siya ng PUSH sa mediacon at birthday party ni Mayor Marcos Mamay na ginanap sa Valle Verde Country Club sa Pasig nitong Linggo ng gabi, July 23, 2023.Sa pelikulang Mamay ay gagampanan ni Jeric ang karakter ni Marcos Mamay. Ipapakita sa pelikula ang life struggles at successes ni Nunungan City Mayor Marcos Mamay ng Lanao del Norte.It will also showcase how he survived his early life from striving hard to graduate from school with challenges like a dealing with a family feud and needing to sell ukay-ukay until he became a public servant.Kasama ni Jeric sa pelikula si Victor Neri, Ara Mina, Teejay Marquez, at marami pang iba.“Ngayon lang din ako gumawa ng pelikula sa kultura ng ating mga kapatid na Muslim. Isang karangalan na gawin ko ang life story ni Mayor Mamay,” ani Jeric.Hindi ba naisip noon ni Jeric na magpa-convert sa Muslim kung saan pinapayagan ang pag-asawa ng apat?“Oo, naisip ko rin nung araw kaya lang apat lang, eh,” pagbibirong sagot ng aktor. “Pero hindi naman… Don sa religion na kinaaniban ko dati bago ako nalipat dito ngayon, hindi ko naman kinonsider yon,” hirit pa niya.Ano ang reaksyon niya kapag tinatawag pa rin siyang “womanizer” hanggang ngayon? Isa kasi si Jeric sa Pinoy actors na nagkaroon ng maraming girlfriend at nagkaanak pa sa mga ito.“There’s nothing cool about being a womanizer!” paglilinaw agad ng dating sikat na action star.“Kasi mare-realize mo, habang dumadaan ang panahon, as we grow older, na mali pala yon. So, kung maibabalik ko yung panahon hindi ko yon dadaanan dati.“So mauubos yung panahon mo, sa family ko lang, sa anak mo, kaya dapat may quality time talaga. Actually, na-realize ko yan nung mga 2004,” katwiran pa ni Jeric.Ang maipagmamalaki lang ni Jeric, lahat sila ng mga naging karelasyon niya in the past ay nananatiling magkaibigan.“Oo, lahat naman. Okey naman ako sa kanilang lahat. Magkakaibigan naman kami,” pagmamalaki ni Jeric.Apat ba ang naging karelasyon niya noon kung saan nagkaroon ng mga anak? Buwelta naming tanong kay Jeric.Biglang natahimik si Jeric, “Hindi… seriously, marami. May mga taga-showbiz. Yung huli magkakaedad kasi halos sabay-sabay silang nanganak, eh. Dati tinatago ko lang, eh, dahil nga nahihiya ako noong araw.“Pero ngayon, siyempre malalaki na yung mga bata, 22 na sila pare-pareho, sabay-sabay nag-twenty two,” kuwento ng action star.Aware ba siyang kinaiinggitan siya sa showbiz dahil sa pagkakaroon niya ng maraming anak sa iba’t ibang babae?“Ang hirap itawid no’n ngayon, yung 18 na yon. Imagine, paano kpng naitawid lahat yon sa hirap ng buhay ngayon. Kaya until now hindi ako humihinto, eh. Kailangan pa ring magtrabaho at maging good provider sa kanila.“Pero don sa ginagawa ko dati, semi-retired na ako don,” sabay tawa ulit pero seryosong sabi ni Jeric. Samantala, Mamay is directed and written by award-winning Director Neal “Buboy” Tan.

Jeric Raval, may realisasyon tungkol sa kanyang mga naging relasyon noong panahon.

Jeric Raval, may realisasyon tungkol sa kanyang mga naging relasyon noong panahon.