Push Admin

BJ Forbes ibinahagi ang dahilan kung bakit umalis sa showbiz noon

Article (news)

Leo Bukas

<div>CONTENT WARNING: The following article contains discussions on depression, suicide, and mental health.&#x27;</div>Ayon sa dating child star na si BJ “Tolits” Forbes, sa isang iglap ay nawala lahat ang pinaghirapan niya noon bilang child actor nang maloko ang kanyang ina.Tuluy-tuloy na sana ang pagsikat noon ni BJ sa showbiz pagkatapos niyang sumali sa That’s My Boy ng Eat Bulaga pero dahil sa nangyari sa kanilang pamilya kaya naudlot ang kanyang stardom.“Nung 12 years old po ako, naloko po kami sa bahay which is lahat ng naipon ko sa pagiging child star ko, nawala. Naloko kami. Peke yung titulo ng bahay na napunta sa amin. I’m not blaming my mom for that dahil may mga ganyan na tao, eh. Pero siyempre, siya yung nagha-handle ng finances ko nung panahon na yon,” pag-alala ni BJ nang makausap siya ng <a href="https://push.abs-cbn.com">PUSH</a> sa mediacon ng soon-to-be-released movie titled The Special Gift.Dahil sa pagkawala ng kanilang bahay ay lumipat sila sa isang maliit na tirahan at doon nagdesisyon na hanapin ang kanyang ama.“Dahil ano, eh, kumbaga, lumagapak ako sa buhay. Tapos, wala akong matakbuhan. I mean, hindi ko masisi ang nanay ko. Pero wala ring tumutulong sa akin. Wala yung tatay ko.“So, I’m incomplete, ganyan. Then, yan din po yung time na parang natamlayan ako sa showbiz. Hindi na ako nag-a-auditions. May mga binibigay na shows, hindi ko pinupuntahan because of family problems and personal problems,” lahad pa ni BJ.Dahil sa sobrang depresyon, umabot na raw siya sa puntong gusto na niyang magpakamatay.Aniya, “Suicidal na yung stage ko. Hindi ko gustong makita ako ng public na ganun. Ngayon na lang ako nagiging vocal. Kasi tanggap ko na siya. Kumbaga, tulad nga sa film (The Special Gift), pag tanggap na natin ang isang bagay, pag hindi na siya ganun kasakit sa atin saka lang natin siya nakuwe-kwento, eh, sa mga tao.”Hindi na raw niya makita nung panahon na yon yung purpose niya para magpatuloy pa. Hanggang sa napunta na siya sa teatro kung saan naihahayag niya ang kanyang passion sapag-arte.“Kumbaga, bumangon ako ng hindi ako humihingi ng tulong sa TVJ. Hindi ako humihingi ng tulong sa network. Hindi ako nagpaawa sa media. Kinimkim ko yung personal problems ko.“And, I have no regrets with that kung hindi man nagtuloy-tuloy yung pag-angat. Kasi kung para sa akin, kung kinailangan kong lunukin ang dignidad ko nung bata ako, ligaw yung landas ko. Ang dami kong tanong sa personal kong buhay na noon lang nasasagot, kung sasabayan ko siya ng pagiging showbiz, na ihahayag ko pa ang sarili ko, baka hindi ko po kinaya personally. Baka napunta ako sa kinapuntahan nung mga katulad kong child star. Alam naman natin, di ba?“Sina Kuya Jiro (Manio). Uh, hindi kasi nila kinaya, eh, yung dagok ng buhay. Pero sa akin, kahit sabihin ng ibang tao na laos na siya, laos na si Tolits, laos na sa ganyan. No, hindi n’yo lang alam kung bakit mas pinili ko na maging pribadong tao at kung mas bakit ko piniling yung simpleng buhay.“Iniwan ko yung kasikatan. Iniwan ko na yung connections just to relieve myself na mahanap ko ulit ang sarili ko. At ngayong buo na ulit ako, humaharap ako sa inyo. Kinukwento ko kung ano yung mga piangdaanan ko. And it’s part of my story na naging inspirasyon sa marami,” pagbabahagi pa ng dating child wonder.Ang The Special Gift ay mula sa direksyon ni Lawrence Roxas under RC Gomez Entertainment Productions. Tampok sa pelikula ang child star na si Franchesco “Choco” Maafi bilang si Liam Castrillo na isang gifted child, Soliman Cruz, Mike Lloren, Malou Canzana, Migui Moreno, Ella Sheen, Romina Cauilan, Angelo Gomez, at BJ Forbes.Bilang dati ring child star, proud si BJ kay Choco na nabigyan siya ng pagkakataon na gumanap sa isang importanteng role.“And uh, tingin ko sa pagkakakilala ko kay Direk Lawrence, hindi naman siya basta mag-a-audition ng hindi kayang gampanan o hustisya yung role. So, kay Choco, it’s a very, very big [opportunity] para sa kanya, para sa career niya itong The Special Gift. At kung sa advice naman po if I’m permitted as a former child actor then, just listen sa lahat ng mga nakapaligid sa ‘yo.“Be observant. Be a good listener na, dahil doon tayo gagaling. And, sa nakita ko naman po sa batang ito, eh, talagang nakikinig siya. And uh, gusto niyang matuto,” sabi pa ni BJ for Choco.Sa tingin ni BJ, mas malayo pa ang mararating ni Choco sa showbiz.“And nakikita ko sa kanya ang sarili ko dahil as a child actor nung bata ako, hindi naman laro lang sa akin ang lahat. Kahit bata po ako I have a sense of responsibility na kailangang gawin yung trabaho. And kay Choco, nakikita ko rin naman yon. Na ginagawa niya ang alam niya at kung ano ang ginagawa niya sa produksyon na ito.”Samantala, magkakaroon ng special screening ang The Special Gift on September 9, 12 nn, 3 p.m. and 6 p.m. sa Cinema 3, The Block, SM North EDSA.<div>*If you or a loved one is in need of help, contact the National Center for Mental Health crisis hotline at 1553 Luzon-wide landline toll-free. For Globe/TM subscribers, call, 0966 351 4518 or 0917 899 8727 (USAP). For Smart/Sun/ TNT subscribers, call 0908 639 2672. You may contact their Facebook page at ncmhcrisishotline and on X @ncmhhotline.</div>

Aminado si BJ ‘Tolits’ Forbes na muntik na siyang sumuko noon dahil sa tondi ng pinagdaanan.

Aminado si BJ ‘Tolits’ Forbes na muntik na siyang sumuko noon dahil sa tondi ng pinagdaanan.