Netizens kinilig sa chiropractic experience ni Francine Diaz kay Tyler Bigenho

Usap-usapan sa social media ang pagpapatingin sa chiropractor ni Francine Diaz sa sikat na social media personality at doktor na si Tyler Bigenho.

Kilala si Tyler Bigenho bilang isa sa mga sikat na chiropractor sa internet.

Sa isang TikTok video ni Tyler, makikita ang “spinal adjustment” na ginawa kay Francine.

Dumayo pa si Francine sa clinic ni Tyler sa Newport Beach sa California.

READ: Francine Diaz admits she’s not ready to wear a bikini: ‘For now hindi pa!’

Matatandaang lumipad si Francine sa US kasama ang iba pang cast ng Dirty Linen kamakailan para sa isang show na ginawa roon.

Marami ang kinilig sa interaksyon nina Francine at Dr. Tyler gaya ng naging usapan nila habang ginagawa ang adjustment sa kanya.

“Do you trust me?” tanong ni Tyler kay Francine.
Sagot naman ng aktres: “I do…double meaning.”

Nang umabot na sa kanyang leeg ang adjustment, hindi napigilan ni Francine na mapatanong ng “Am I still alive?”

Biro ni Francine matapos ang adjustment: “I’m a giraffe now.”

Sa ngayon, umabot na sa 19.6 million views na ang nasabing video sa TikTok.

@drtylerbigenho Francine is a giraffe now after her first adjustment. We’re also best friends 🇵🇭🇵🇭🇵🇭 #francinediaz ♬ original sound - DrTyler

Komento ng isang netizen: “He seems so smitten by her ☺️they're so cute.” Ayon kay Dr. Tyler: “Idk I think I’m just really funny.”

“kinikilig ako haha bagay sila,” ani pa ng isang netizen.

“SOOOOO MUCH TENSION I CAAAAAN’T,” sey pa ng isang fan.

Biro naman ni Dr. Tyler, “best friends” na umano sila ni Francine na aniya’y magiging tour guide niya sa pagbisita niya sa Pilipinas sa hinaharap. 

READ: Seth Fedelin and Francine Diaz reveal their showbiz learnings: ‘Hindi pasikatan dito, patagalan’

“@francinesdiaz stopped by for her first adjustment while she visited America. We’re best friends now and she’s gonna be my tour guide when I visit the Philippines,” saad ni Dr. Tyler sa caption ng kanyang post.

Minsan na ring binansagan si Tyler na “honorary Filipino” nang manalo ito sa isang laro kung saan nagkasubukan tungkol sa kanyang kaalaman sa kultura ng mga Pinoy.

Pinay ang girlfriend ni Tyler na si Jules Aurora.