Push Admin

Anna Luna reveals how she landed the role of Basha in ‘One More Chance’ musical

Article (news)

Jeff Fernando

Handa na ba ang stage, film, and television actress na si Anna Luna n gumawa ng sariling bersyon ng karakter ni Basha sa stage musical adaptation ng modern classic film One More Chance?Sa exclusive online interview ng <a href="https://push.abs-cbn.com">PUSH</a> kay Anna, ikinuwento niya kung paano napunta sa kanya ang coveted role na pinasikat ni Bea Alonzo.“My theater friends pushed me to audition. Sabi po nila magkakaroon daw ng auditions for OMC The Musical. Pwede daw po ako mag-Basha. Then I told one of my friends, ‘Sige. I-ttry ko.’ At first I was hesitant because I just started building my own family, at alam kong maglalaan ka talaga ng oras at panahon sa pag-gawa ng musical play. Then days passed by, mas dumami ang nag-eencourage sa’kin to audition. Lumakas po talaga ang loob ko dahil sa tiwala ng mga kaibigan ko sa teatro. Yes I auditioned po. From the submission of audition tapes until the final callbacks at PETA. It was a refreshing experience seeing a lot of theater friends doing what we love after the pandemic,” kuwento ni Anna.Alternating with Nicole Omillo sa pagganap bilang Basha sa entablado, malaking challenge kay Anna kung paano maiiba ang kanyang pagganap at umiwas sa comparison sa original Basha ni Bea.“Ms. Bea&#x27;s performance was a remarkable one at totoo po ang pressure seeing a lot of supporters ng movie unite para mapanood ang musical play version. Alam naman po natin ang magic ng musical theater. It is live. No cuts. Gamit pa ang songs ng Ben&amp;Ben, na may malaking impact sa music ng generation ngayon. It will never be the same. What will I try to portray is the Basha of today. Iba sa context ng Basha noon, at iba rin po sa Basha ko ngayon. At lahat po ng learnings and experiences kasama po yun sa bubuo ng character na hinuhubog ko as Basha,” dagdag ni Anna.Gaya ng marami sa nakapanood ng One More Chance movie, aminado si Anna na isa siyang malaking fan at ilang beses na itong napanood. Pero ngayon na naghahanda na siya sa pagganap bilang bagong Basha sa entablado, iiwasan niya muna mapanood ang iconic movie.“Opo pinanood ko po. First as an audience way back, at ngayon po ulit just to get familiarized with the scenes. Iniiwasan ko rin po panoorin dahil iniintay ko na lang po basahin siya as text. Para inner voice ko po ang naririnig ko while reading it,” paglalahad ng aktres.Maraming hugot lines ang One More Chance at di magpapahuli si Anna sa kanyang paborito na paulit ulit nya rin sinasabi. “Favorite line ko po ay ang, ‘I want to stop wondering ‘What if?’ I want to know ‘What is.?’’ Because life is too fast-paced to settle for something that you are not sure about. Kung patuloy ka magtatanong kung paano kaya? I think hindi ka uusad sa buhay na ito without taking risks, and by taking risks, you&#x27;ll find your answers,” sagot ni Anna.Lingid sa kaalaman ng marami, nakatrabaho na ni Anna si Bea Alonzo sa isang Star Cinema movie. “Yes po. I worked with Ms. Bea in How to Be Yours by Star Cinema. Isa po ako sa best friend niya doon. I really look up to her. She was very humble to us and very easy to work with kahit baguhan po kami. I can recall how down to earth she was. It was very memorable and a humbling experience as an actor.”Kung sakaling magkakaroon ng pagkakataon, para mas maging effective sa kanyang pagganap, ito ang gusto itanong ni Anna kay Bea: “Kung may itatanong po ako sa kanya bilang sa pagganap na Basha, paano po niya napanatili ang kapit ng tao sa character portrayal niya? Dahil kahit panoorin po siya ng generation today, they can still feel her pain. And that is something that I want to achieve too,” pagtatapos ni Anna.Ipapalabas ang One More Chance stage musical sa April 12 hanggang July 16 sa PETA Theater Center.

Anna Luna also talks about her experience working with the original Basha, Bea Alonzo.

Anna Luna also talks about her experience working with the original Basha, Bea Alonzo.