Push Admin

P12 minimum fare sa jeep hiling ng mga operator; ilang ahensiya pumalag

Article (news)

ABS-CBN News

MAYNILA - Pormal na humiling ng P3 dagdag-singil sa minimum fare ng jeep ang mga operator, sa paghahanda sa posibleng taas-presyo ng petrolyo dala ng gulo sa Middle East. Mula P9, layong itaas ng mga operator ang minimum na pasahe sa P12 dahil sa inaasahang taas-presyo sa produktong petrolyo at paghahanda sa posibleng epekto ng sigalot sa pagitan ng Estados Unidos at Iran, base sa joint petition na inihain ng mga jeepney operator ngayong Biyernes. &quot;May commotion na nangyayari at tataas ito at inaasahan namin na aabutin ito nang P50,&quot; ayon kay Federation of Jeepney Operators and Drivers Association of the Philippines president Zeny Maranan. Pero ayon kay Energy Undersecretary Bodie Pulido, kaunti lang ang posibleng pagtaas ng presyo. &quot;Wala po tayo kinukuha sa Iran. Kung sakali nga po na magkaroon, ay siguro severe disruption o sa mga dadaanan ng barko,&quot; paliwanag ni Pulido. May nakahanda naman daw ang mga kompanya na suplay sa unang quarter ng taon. &quot;The market has reflected a bit of increase because of speculation, &#x27;yan po ay analysis ng internatinal think tanks at sa aming analysis,&quot; ani Pulido. Maaari naman daw pag-aralan ng Land Transportation Franchising and Regulatory Board ang pag-a-adjust ng presyo ng pasahe. Pero tingin ni chairman Martin Delgra, hindi na kakailanganin ng mga jeepney ang taas-singil pagdating ng kalagitnaan ng taon. Ngayong taon na raw kasi ipapatupad ang jeepney modernization program ng gobyerno. &quot;Hindi na hihingi ng dagdag-pasahe kung sakali dahil nga malaki ang savings na maidudulot nitong modernization program,&quot; aniya. Buwelta naman ng transport groups, mas mapapagastos sila kung pipilitin ang modernisasyon ngayong 2020.&quot;Hindi kakayanin ng manufacturer at gobyerno ang pagpapatupad niyan hindi naman gagawa ang manufacturer ng isang unit,&quot; ani Maranan. Giit nina Maranan, kailangan pa ring maghanda sakaling tumaas nang biglaan ang diesel. <div>-- Ulat ni Jacque Manabat, ABS-CBN News</div>

Ito ay dahil sa inaasahang taas-presyo sa produktong petrolyo at paghahanda sa posibleng epekto ng sigalot sa pagitan ng Estados Unidos at Iran.

Ito ay dahil sa inaasahang taas-presyo sa produktong petrolyo at paghahanda sa posibleng epekto ng sigalot sa pagitan ng Estados Unidos at Iran.