Push Admin

Paano nagsimula ang Mang Larry’s Isawan sa P40 na puhunan?

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/JN46ItWeBt4?enablejsapi=1" width="560"></iframe></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Isa sa mga matunog na kainan sa loob ng University of the Philippines-Diliman ang isawan ni Lauro Condencido Jr. o mas kilala bilang “Mang Larry.”</p><p>Sa dami ng bumibili sa Mang Larry&#x27;s Isawan, kinakailangan pa minsang pumila para matikman ang kanilang kilalang recipe.</p><p>Pero bago tuluyang matuhog ang tagumpay sa negosyo, ikinuwento ni Mang Larry na namuhunan muna siya ng ilang dekadang pawis at sigasig. </p><p>Pag-alala niya, kumpara sa laki ng kaniyang tindahan ngayon ay nagsimula lamang siya sa maliit na puhunan na P40.</p><p>“Ma’am, nag-umpisa ako sa P40. Ma’am, kasi ’to noon, piso lang isang kilo. Minsan mahihingi mo pa. Ngayon hindi,” kuwento niya.</p><p>Taong 1984 nang magsimulang magbenta ng isaw si Condencido gamit lang ang stroller at kakarampot na puhunan.</p><p>“Unang pinagtindahan ko sa UP, stroller ng bata saka ‘yung nabibiling ihawan. Ipapatong mo lang doon tapos isang table na maliit. May tray ka roon, nakatago ng plastic lamang. Noon naman kasi hindi pa polluted masyado.”</p><p>Bumabalik naman aniya ang kaniyang puhunan noong panahong iyon at mula sa P40 ay nagiging P80 ito. </p><p>Unti-unti rin itong pumatok kaya mula sa stroller ay naging kariton ang kaniyang tindahan hanggang sa naging bisikleta at motor. </p><p>“ ’Yung motor ko may TV lahat, kumpleto. May microphone. Ang haba na ng pila. 1997 na ’yun, ’98. Kasi bago ma’am ’yun nag-boom, almost 12 years, ang hirap gumawa ng pangalan,” pag-alala ni Condencido. </p><p>Kasabay naman ng paglago ng negosyo ay lumaki rin ang kaniyang puhunan at mula sa P40 ay naging P10,000 hanggang P20,000 na ito. Kumikita naman aniya siya ng P30,000 kapag nauubos ang kaniyang paninda. </p><p>Sa ngayon, mayroon na ring apat na branch ang Mang Larry’s Isiwan at kuwento niya, iniikot niya ang mga ito araw-araw. </p><p>Pangarap niya na magkaroon ng restaurant at madala rin sa Europa ang kaniyang produkto.</p><div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/abscbnNEWS/videos/10155890678685168/" data-width="auto"> </div><p>Samantala, ibinahagi rin ni Condencido ang kaniyang tip para sa mga nagnenegosyo o may balak magtayo ng food business.</p><p>“Laging sinasabi ko na ang sikreto sa lahat ng pagkain is kalinisan. Hundred percent kailangan malinis kasi ang sinasabi ko, ang pinakakain natin, hindi naman hayop. Tayo. Tao tayo, huwag nating babuyin,” aniya. </p><p>Dagdag pa niya, mahalagang sumubok lamang nang sumubok sa negosyo.</p><p>“Ang negosyo, sabi ko nga inumpisahan ko sa tatlong letter lang, t-r-y. Try. Kasi kapag di mo ni-try, hindi ka sumugal, hindi ako makikilala. Isinugal ko ’yung binigay sa’king pagkakataon ng ating Maykapal, lakas ng loob, mission, focus, at sa tamang pamamaraan,” ibinahagi ni Condencido. </p><p>Mahalaga rin aniya na isipin ang publiko higit pa sa kikitain sa negosyo. </p><p>“Huwag ka papasok sa isang negosyo na gusto mo lang kumita . . . Ang gusto ko lang makilala ako, at makapanglingkod ng tama, sa sobrang mura, makakakain ’yung estudyante ng tama, masarap, at hindi sila [malason].”</p>

<p>Bago tuluyang matuhog ang tagumpay sa negosyo, ikinuwento ni Mang Larry na namuhunan muna siya ng ilang dekadang pawis at sigasig. </p>

Bago tuluyang matuhog ang tagumpay sa negosyo, ikinuwento ni Mang Larry na namuhunan muna siya ng ilang dekadang pawis at sigasig.