Push Admin

Mga magbababoy pumalag sa farm gate price na itinakda ng DA

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img src="https://sa.kapamilya.com/absnews/abscbnnews/media/2021/business/02/04/20210121-qmart-produce-prices-md-7204.jpg?ext=.jpg"/><figcaption>Naghihiwa ng baboy ang isang vendor sa Mega Q Mart.<em> Mark Demayo, ABS-CBN News/File </em></figcaption></figure></div><p>Umaalma ang mga malalaking hog raiser na nalulugi na sila sa itinakdang farm gate price ng Department of Agriculture sa harap ng mga naging taas-presyo sa karneng baboy. </p><p>Ayon kay Nicanor Briones, vice president ng Pork Producers Federation of the Philippines, Inc., hindi umano sila kinonsulta ng ahensiya rito. </p><p>&quot;Hindi kami pumayag diyan na mga presyo na idinikta lang ni Secretary (William) Dar &#x27;yan eh dahil wala namang consultation sa amin &#x27;yan kung kami ay payag. Lahat dikta! Kunwari siya ay makikipag-usap, makikipagkonsultasyon, pero meron na siyang dalang presyo at &#x27;yun na kaagad ang pinai-implement niya,&quot; ani Briones. </p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1618694" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Ganito rin ang naging hinaing ni Chester Tan, pangulo ng National Federation of Hog Farmers Incorporated. </p><p>&quot;I&#x27;m sure wala pang nakausap ang DA sa Visayas, up to now I&#x27;m sure wala pang pumapayag sa Visayas pero nilagay niya na sa MOA niya. Itong Central Luzon, Calabarzon, P170, I&#x27;m very sure din na walang nag-agree ang labas nila dito sa kanilang memorandum order. No choice iipitin nila itong mga farm para sumunod,&quot; ani Tan. </p><p>Sa bagong memorandum ng Department of Agriculture, inilista ang landed cost at transport support ng mga baboy na manggagaling sa kada lugar. </p><p>Sa Mindanao, dapat nasa P165 kada kilo ang farm gate price. Ang mga nasa Visayas, Mimaropa, Bicol, Ilocos Region, at Cagayan Valley, dapat nasa P170 kada kilo ang landed cost. </p><p>Nasa P180 kada kilo naman dapat ang landed cost sa Central Luzon at Calabarzon. </p><p>Sagot naman ni Agriculture Spokesperson Noel Reyes, nakikipag-ugnayan sila sa hog raisers. </p><p>&quot;Alam na nila &#x27;yan, nagmi-meeting na sila kasi para makuha nga nila &#x27;yung guidelines and paano makubra &#x27;yung transport subsidy. If they don’t agree, hindi sila kasama. Ayaw ba nila &#x27;yung makakabawas sila sa farm gate? Sila ang matatalo dahil &#x27;yung iba nakakapagbenta ng mas mura,&quot; ani Reyes. </p><p>Matatandaang nagpataw ng price ceiling ang gobyerno sa presyo ng baboy at manok para mapigilan ang pagtaas ng presyo ng mga ito. Noo&#x27;y umabot ng P400 sa mga pamilihan ang presyo ng baboy dahil sa shortage na dala umano ng epekto ng African swine fever. </p><p>Para maibsan ito, may &quot;ayuda&quot; na 10,000 baboy kada linggong ipinangako ang DA. Pero pinabulaanan ito ng mga hog raiser. </p><p>&quot;&#x27;Pag may surplus talagang ipapadala &#x27;yun sa Luzon. &#x27;Yun &#x27;yung pinaka-support doon. Pero &#x27;yung 10,000 weekly coming from the group of GenSan, or Koronadal Region XII, parang hindi yata kaya &#x27;yun,&quot; ani Tan. </p><p>&quot;Yan ay nagpe-press release lang para siguro matakot itong magbababoy sa Luzon pero alam na alam naman namin dahil miyembro namin &#x27;yung mga kinausap niya diyan sa South Cotabato, General Santos. Kaya wala, hindi mangyayari &#x27;yun,&quot; dagdag niya. </p><p>Pero ayon sa ahensiya, ito ang ipinangako ng hog raisers. Pero depende pa rin sa populasyon ng baboy kung hanggang ilan lang ang kaya nilang ibigay kada linggo. </p><div><strong>— Ulat ni April Rafales, ABS-CBN News</strong></div>

<p>Umaalma ang mga hog raiser sa itinakdang farm gate price ng Department of Agriculture sa karneng baboy. </p>

Umaalma ang mga hog raiser sa itinakdang farm gate price ng Department of Agriculture sa karneng baboy.