Push Admin

Puhunan ang isa't isa: Mag-asawa, umasenso sa pinukpok na aluminum

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/L25Iwc8HgIY?enablejsapi=1" width="560"></iframe></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Puhunan ng mag-asawang Diosdado at Lourdes Reyes ang sipag ng isa&#x27;t isa sa pagpapayabong ng kanilang negosyong &quot;DongDes Pinukpok Aluminum Kitchenwares.&quot;</p><p>Dahil hanggang elementarya lang ang antas ng pag-aaral na natapos nila, kinumbinsi ni Lourdes si Diosdado na pumasok sa paggawa ng mga kasangkapang pang-kusina na yari sa aluminyo.</p><p>Ito kasi, ayon kay Diosdado, ang karaniwang hanapbuhay sa kanilang lugar sa Floridablanca, Pampanga.</p><p>&quot;Di pa ako nasisilang, ganiyan na kabuhayan namin dito, [kahit] noong mga ninuno pa, kaya nang ako&#x27;y sinilang at nagkaisip, ganiyan na ang nakita naming kabuhayan dito,&quot; ani Diosdado.</p><p>Nagbenta ang mag-asawa ng mga alagang biik at sinimulan ang paggawa ng mga yaring-kamay na kasangkapan sa halagang P5,000.</p><p>Si Diosdado ang tagapukpok ng aluminyo habang si Lourdes naman ang naglalako at nagbebenta ng mga ito.</p><p>Dahil maliit ang puhunan, hindi rin ganoon karami ang nagagawang produkto ni Diosdado.</p><p>Umabot pa sa puntong kinailangan makipagsapalaran ni Lourdes sa Maynila at doon itinda ang kanilang mga produkto.</p><p>Pero nagbago ang lahat nang abutan sila ng tulong ng isang may-ari ng pabrika.</p><p>&quot;Sabi niya, &#x27;Mayroon akong gustong tulungan diyan mag-asawa, masikap, matiyaga, lalo na &#x27;yong lalaki, walang bisyo,&#x27;&quot; kuwento ni Lourdes.</p><p>&quot;Unang kita daw po sa&#x27;min magaan ang loob,&quot; ani Lourdes.</p><p>Sinagot ng may-ari ng pabrika ang materyales para mas maraming kasangkapan ang malikha ni Diosdado.</p><figure class="op-interactive"><iframe height="315" src="https://www.youtube.com/embed/JZaJRLqN9TA?enablejsapi=1" width="560"></iframe></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><div><strong>TULONG SA IBA</strong></div><p>Kahit 29 taon na ang nakalilipas, &quot;hands on&quot; o aktibo pa rin sa pagpapatakbo ng negosyo ang mag-asawa.</p><p>Si Diosdado ang nangangasiwa sa kanilang mga trabahador habang si Lourdes naman ay kasamang naghahatid ng mga order.</p><p>&quot;Siya ang tagagawa, ako ang tagabiyahe, naghahanap ng order, naghahanap ng materyales ... pinagtutulungan talaga naming mag-asawa,&quot; ani Lourdes.</p><p>Bukod sa kanilang tindahan at mga kliyente, sumasali rin ang mag-asawa sa mga baratilyo tuwing may pista.</p><p>Naging daan din ang kanilang negosyo para makatulong sa ibang kapos at hindi nakapagtapos sa pag-aaral.</p><p>Malaki ang pasasalamat ng trabahador na si Ronald Mana sa mag-asawa.</p><p>&quot;Mayroon ako napagtapos na panganay, &#x27;yong isa kong anak [nasa] Grade 7, tapos nakapagpatayo ako ng maliit na bahay,&quot; kuwento ni Mana.</p><p>&quot;Lahat kasi kami dito [trabahador] hindi nakapagtapos [kaya] nagpapasalamat ako sa kanila,&quot; ani Mana.</p><p>Ayon kay Diosdado, wala siyang balak na mamuhunan sa makina dahil mas matibay ang mga kasangkapang yari sa kamay at ayaw niyang isakripisyo ang mga trabahador.</p><p>&quot;&#x27;Yon po kasi dati kong trabaho, gawang-makina, maninipis &#x27;yon...itong pinukpok, napakatibay, pangmatagalan talaga,&quot; aniya.</p>

<p>Puhunan ng mag-asawang Diosdado at Lourdes Reyes ang isa't isa sa pagpapayabong ng kanilang negosyong "DongDes Pinukpok Aluminum Kitchenwares."</p>

Puhunan ng mag-asawang Diosdado at Lourdes Reyes ang isa't isa sa pagpapayabong ng kanilang negosyong "DongDes Pinukpok Aluminum Kitchenwares."