Push Admin

Presyo ng pugo, balut tumaas sa ilang pamilihan sa Metro Manila

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1943531" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Tumaas ang presyo ng itlog ng pugo at balut sa mga pamilihan sa Metro Manila.</p><p>Sa Mega Q-Mart sa Quezon City, halimbawa, pumalo na sa P160 ang isang tray ng itlog-pugo mula P140 habang umakyat naman sa P11 ang kada piraso ng balut mula sa dating P7 hanggang P10.</p><p>Ayon sa tinderang si Kaye Regpala, mula sa higit 100 kahon na order niya kada delivery, 50 kahon na lang ng pugo at balut ang dumadating.</p><p>Bukdo sa kakaunti ang supply, pinatungan pa ng P20 ang presyo kada kahon.</p><p>&quot;Nagmahal daw ang feeds, nagmahal daw ang gasolina... hindi raw po nangingitlog ng maayos,&quot; ani Regpala.</p><p>Ayon pa sa mga nagtitinda, Pebrero nagsimulang tumaas ang presyo ng mga ganoong klaseng itlog, lalo na kung galing Bulacan at Pampanga.</p><ul class="op-related-articles">	<li><a href="https://news.abs-cbn.com/life/01/15/18/gaano-karaming-itlog-ng-pugo-balut-ang-maaaring-kainin-kada-araw">Gaano karaming itlog ng pugo, balut ang maaaring kainin kada araw?</a></li></ul><p>Enero nang unang matukoy ng Department of Agriculture (DA) na may bird flu sa isang duck farm sa Baliuag, Bulacan. Sumunod dit ang ilan pang quail farm sa Pampanga.</p><ul class="op-related-articles">	<li><a href="https://news.abs-cbn.com/news/02/23/22/bagong-strain-ng-bird-flu-kontrolado-na-ayon-sa-agri-dept">Bagong strain ng bird flu, kontrolado na ayon sa agri dep&#x27;t</a></li></ul><p>Sa datos ng Philippine Statistics Authority noong Oktubre 2021, Central Luzon ang may pinakamaraming populasyon sa buong bansa ng mga patong nangingitlog.</p><p>Kasama rito ang Bulacan at Pampanga, kung saan higit 44,000 pato at pugo ang kinatay, ayon sa DA.</p><p>Contained na at naiwasan ang pagkalat ng bird flu, ayon sa Bureau of Animal Industry (BAI), pero sa Abril pa anila inaasahang makakabalik ulit sa pag-alaga ng pugo at pato ang mga apektado.</p><p>Ayon pa sa BAI, mahigpit pa rin ang surveillance at monitoring para matiyak na walang makalulusot na produktong infected ng bird flu.</p><p>Nanindigan naman si Pampanga Governor Dennis Pineda na ligtas kainin ang mga alagang manok, bibi, itik, pugo at itlog na galing sa kanilang lalawigan.</p><div><strong>— Ulat ni Lady Vicencio, ABS-CBN News</strong></div>