Push Admin

Bakit di puwedeng direktang bumili ng bakuna ang mga pribadong kompanya?

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1645978	" width="100%"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>MAYNILA<strong> (UPDATE) </strong>— Ipinaliwanag ni Presidential Adviser for Entrepreneurship Joey Concepcion kung bakit hindi maaaring dumeretso sa mga vaccine manufacturer ang mga pribadong kompanyang nais bumili ng mga bakuna kontra COVID-19.</p><p>Sa ngayon kasi, kung nais ng mga kompanyang bumili ng bakuna ay dadaan ito sa tripartite agreement kasama ang gobyerno.</p><p>Ito&#x27;y dahil ang mga bakuna kontra COVID-19 ay nasa ilalim pa rin umano ng emergency use authorization kaya kailangan ang gobyerno ang makikipagnegosasyon sa manufacturer habang ang kompanya ang magbabayad ng bakuna.</p><p>Ayon pa kay Concepcion, tanging ang gobyerno rin lang kasi ang maaaring makapagbigay ng indemnification o bayad-pinsala sa mga madidisgrasya sa COVID-19 vaccine.</p><ul class="op-related-articles">	<li><a href="https://news.abs-cbn.com/news/02/23/21/alamin-nilalaman-ng-senate-bill-para-sa-bayad-pinsala-sa-bakuna">ALAMIN: Nilalaman ng Senate bill para sa bayad-pinsala sa bakuna</a></li></ul><p>Umapela kamakailan sa gobyerno ang Philippine Chamber of Commerce and Industry (PCCI) na payagan ang pribadong sektor na mag-angkat ng COVID-19 vaccines nang direkta at walang restriksiyon para mapabilis ang pagbabakuna sa mga manggagawang itinuturing na economic frontliners ng bansa. </p><ul class="op-related-articles">	<li><a href="https://news.abs-cbn.com/business/03/18/21/grupo-ng-negosyante-humihiling-na-direktang-makabili-ng-covid-19-vaccine">Grupo ng negosyante humihiling na direktang makabili ng COVID-19 vaccine</a></li></ul><p>Pero nilinaw ni PCCI President Emeritus George Barcelon na handa naman silang pumasok sa tripartite agreement kasama ang gobyerno para makabili ng bakuna.</p><p>Huwag lang daw pagbawalan ang ilang negosyo gaya ng sigarilyo, alak, at gatas na mag-order ng bakuna.</p><p>Muli ring nilinaw ni Concepcion na hindi na obligado ang pribadong sektor na mag-donate ng bibilhing bakuna sa gobyerno kaya buong-buo nang makukuha ang bakuna para sa mga empleyado.</p><p>Ang unang batch lang ng bakunang in-order sa AstraZeneca ang may donasyong 50 porsiyento sa gobyerno pero ang mga bagong order ay wala na.</p><p>Pinaplantsa na rin ng grupo ni Concepcion ang pagtanggap ng order ng Gamaleya vaccines na gawa ng Russia.</p><div><strong>-- Ulat ni Alvin Elchico, ABS-CBN News</strong></div>

<p>Kung nais ng mga pribadong kompanyang bumili ng bakuna ay dadaan ito sa tripartite agreement kasama ang gobyerno.</p>

Kung nais ng mga pribadong kompanyang bumili ng bakuna ay dadaan ito sa tripartite agreement kasama ang gobyerno.