Push Admin

Patok na 'bacsilog,' dating tinitinda lang sa kariton

Article (news)

ABS-CBN News

<figure class="op-interactive"><iframe src="https://www.youtube.com/embed/fjlz4uFuGKI?enablejsapi=1"></iframe></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div>Napapaligiran man ng mga sikat at higanteng food chain ang De La Salle University sa Taft Avenue, Maynila, isang food stall ang hindi umaatras at nakikipagsabayan.Para sa mga mag-aaral sa lugar, mistulang institusyon ang Ate Rica&#x27;s Bacsilog.Kaning sinangag, itlog, at bacon lang ang mga sangkap ng mabenta nilang &#x27;bacsilog,&#x27; hango sa iba pang mga pagkaing &#x27;silog&#x27; na patok sa Pilipinas.Lalo pa itong pinasarap kapag sinamahan ng seasoning at manamis-namis na cheese sauce na tinimpla mismo ng may-aring si Rica Peñalosa.&quot;Kasi usually tapa &#x27;di ba? Ang tapa click sa Pinoy... Kasi alam naman natin na ang La Salle na mga estudyante, may mga sinabi &#x27;yan, alam nila &#x27;yong bacon,&quot; ani Peñalosa sa panayam ng ABS-CBN News.Sa may La Salle unang nagtinda ng bacsilog si Peñalosa.Nakaplano sanang magtrabaho si Peñalosa, na nagtapos ng kursong information technology, sa ibang bansa matapos umalis sa trabaho sa bangko.Habang hinihintay noon ang oportunidad na maging overseas Filipino worker (OFW), naisipan niyang magtinda muna ng pagkain.&quot;Nag-decide ako magtinda sa school [malapit sa] kung saan ako lumaki, sa gilid ng La Salle,&quot; kuwento ni Peñalosa.Pero bago magkaroon ng magandang puwesto, sa kariton muna niluto at tininda ang sikat na bacsilog.&quot;I started nag-push cart lang kami sa gilid ng La Salle kasi wala pang establishment noon. Everyday nagtutulak talaga ako ng cart,&quot; aniya.Isa sa mga hamon noon para kay Peñalosa ay ang mahuli ng mga pulis dahil ilegal ang puwestong pinagbebentahan.&quot;Buti &#x27;di sumabog iyong gasul na dala ko tapos matatapon &#x27;yong mga kanin. &#x27;Yong typical na parang makikita mo sa TV, ganoon talaga ginagawa,&quot; aniya.Bukod sa bacsilog, handog din ng Ate Rica&#x27;s Bacsilog ang iba pang &#x27;silog&#x27; tulad ng tapsilog, tocilog, hotsilog, at tunasilog sa halagang P69 lang. Maari ring um-order ng mga combo o pinagsamang ulam, tulad ng bacon at tapa, sa halagang P95.Dahil unti-unting lumaki ang kinikita sa pagtinda ng bacsilog, minabuti na lang ni Peñalosa na manatili sa bansa at ipagpatuloy ang nasimulang negosyo.Kalaunan ay nagkaroon ng magandang puwesto si Peñalosa hanggang sa buksan ang Ate Rica&#x27;s Bacsilog sa franchising. Ngayon ay may 14 branches na ito.&quot;Parang naisip ko mas maganda pala dito. Ito na lang, wala ako amo, may sarili pa akong oras,&quot; aniya.Naging maganda rin ang pakikitungo ni Peñalosa sa mga mag-aaral. Ang ilan sa mga ito&#x27;y naging katuwang pa niya sa mga franchise.Isa na rito si Gerald Sibayan, dating badminton player sa La Salle at mister ng komedyanteng si Ai Ai delas Alas.&quot;Galing training, deretso na ako doon. Breakfast, lunch, dinner na rin minsan kaya parang halos araw-araw iyon kinakain ko,&quot; kuwento ni Sibayan.Nagtapos din sa La Salle si Mikko Hizon at nagpapatakbo ng franchise ng Ate Rica&#x27;s.&quot;Maganda iyong opportunity kasi start-up,&quot; ani Hizon. &quot;Si Ate Rica, kaibigan ko ever since, nanay-nanayan ko siya noon.&quot;Nais ni Peñalosa na makapagtayo rin ng mga sangay ng kaniyang negosyong bacsilog sa mga mall at lalawigan.

Hindi umaatras at nakikipagsabayan sa mga sikat at higanteng food chain sa Taft Avenue, Maynila ang food stall ng Ate Rica's Bacsilog, na nagsimula lang noon sa itinutulak na kariton.

Hindi umaatras at nakikipagsabayan sa mga sikat at higanteng food chain sa Taft Avenue, Maynila ang food stall ng Ate Rica's Bacsilog, na nagsimula lang noon sa itinutulak na kariton.