Push Admin

Mga ahensiya gumagawa ng paraan para maibsan ang bigat ng bayarin sa kuryente, tubig

Article (news)

ABS-CBN News

<figure class="op-interactive"><iframe src="https://www.youtube.com/embed/goC5AgluFns?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Walang darating na Meralco bill para sa konsumo sa Abril dahil sa enhanced community quarantine, na ipinatupad para mapigilan ang pagkalat ng coronavirus disease (COVID-19). Ang average ng 3 buwan lang muna ang babayaran, na may palugit pang 30 araw.</p><p>Pero pagkatapos ng quarantine, 2 buwang konsumo agad ang tatambad sa mga konsumer.</p><p>Bunsod nito, umapela si Senate energy committee chairperson Sherwin Gatchalian sa Energy Regulatory Commission (ERC) na gawan ng paraan para hindi maputulan ng kuryente ang mga konsumer.</p><p>&quot;Gumawa ng hakbang para di ipasa sa consumers &#x27;yong mga nakontrata nila na hindi magagamit,&quot; ani Gatchalian.</p><p>&quot;Dahil nga marami sa ating kababayan ang di nakakapagtrabaho ngayon... ang panawagan natin sa ERC ay gumawa ng hakbang para di maputulan &#x27;yong ating mga kababayan,&quot; dagdag ng senador.</p><p>Ayon naman sa ERC, tinanggal na ang feed-in-tariff allowance na P0.04 kada kilowatt hour at iba pang paraan para mapababa ang singil.</p><p>Pero hindi umano uubra ang panukalang huwag nang bayaran ang konsumo noong Marso.</p><p>&quot;Kunyari ang Meralco, hindi nangolekta, hindi rin sila magbabayad sa mga nag-supply ng kuryente. &#x27;Yong mga nag-supply ng kuryente, mayroon din silang gastos, &#x27;yong fuel na ginagamit sa mga planta nila, so chain reaction &#x27;yan,&quot; ani ERC Chairperson Agnes Devanadera.</p><p>Para malaman ang bill, puwedeng tumawag sa 16211 ng Meralco. Puwede rin umanong magbayad gamit ang Meralco app pero may dagdag itong &quot;convenience charge.&quot;</p><p>&quot;&#x27;Yong iba kasi are willing to pay the convenience fee para di na rin sila maabalang pumila,&quot; ani Meralco Spokesperson Joe Zaldarriaga.</p><div><strong>SINGIL SA TUBIG</strong></div><p>Ginagawan na rin umano ng Metropolitan Waterworks and Sewerage System (MWSS) Regulatory Office ng paraan para maibsan ang bigat ng bayarin sa singil sa tubig.</p><p>&quot;Puwede nilang bayaran itong deposit bill na ito in tranches so &#x27;yon ang pinag-uusapan pa ngayon at pinag-aaralan pa,&quot; ani MWSS Chief Regulator Patrick Ty.</p><p>Average ng 3 buwan din ang babayaran sa tubig, na may 30-day extension dahil suspendido ang pagbabasa ng metro.</p><div><strong>-- Ulat ni Alvin Elchico, ABS-CBN News</strong></div>

<p>Gagawan ng paraan ng iba-ibang ahensiya para hindi maputulan ng kuryente at tubig ang mga konsumer sa oras na dumating na ang patong-patong na bayarin sa kalagitnaan ng Abril.</p>

Gagawan ng paraan ng iba-ibang ahensiya para hindi maputulan ng kuryente at tubig ang mga konsumer sa oras na dumating na ang patong-patong na bayarin sa kalagitnaan ng Abril.