Push Admin

ALAMIN: Pautang ng Landbank sa mga maliliit na negosyong umaaray sa lockdown

Article (news)

ABS-CBN News

MAYNILA--Naglunsad ng loan program ang Landbank para sa mga small at medium enterprises bilang tulong sa mga negosyong apektado ng krisis sa coronavirus disease 2019. (COVID-19). Ito ang programang I-Rescue na naglalaan ng P10-bilyon budget na pautang para sa mga negosyo. Hanggang 85 porsiyento ng kanilang working capital ang maaaring iutang ng mga aplikante, ayon kay Cecilia Borromeo, presidente at CEO ng Landbank. “Kunwari, ang kailangan nila na paikutin na working capital para sa kanilang mga imbentaryo at saka sa kanilang mga receivables ay P1 milyon, ang amin hong pwedeng ipautang sa small and medium enterprise is up to P850,000. Equity naman po nila &#x27;yung P150,000&quot; aniya. Maaaring bayaran ng mga negosyo ang loan sa loob nang 5 taon at magbibigay din sila ng grace period. Nasa 5 porsiyento rin ang interes sa pautang at hindi naman daw ito tataasan sa loob nang 3 taon, ayon kay Borromeo. Ibibigay din ito ng Landbank sa mga kooperatibang nagpapahiram sa mga maliliit na negosyo at microfinance institutions. Makakatulong umano ito sa mga negosyong malaki na ang nalugi mula noong ipinatupad ang enhanced community quarantine. <div>-- Ulat ni Isay Reyes, ABS-CBN News</div>

Ito ang programang I-Rescue na naglalaan ng P10-bilyon budget na pautang para sa mga negosyo.

Ito ang programang I-Rescue na naglalaan ng P10-bilyon budget na pautang para sa mga negosyo.