Push Admin

Agri dep't tiniyak na 'di na aabot sa P700/kilo ang sibuyas

Article (news)

ABS-CBN News

<div class="embed-wrap"><figure data-feedback="fb:likes,fb:comments"><img alt="Bentahan ng sibuyas sa Maynila noong Oktubre 2022. Mark Demayo, ABS-CBN News/File" src="https://sa.kapamilya.com/absnews/abscbnnews/media/2023/life/05/17/20221012-red-onion-srp-1md_5743-md.jpg"/><figcaption>Bentahan ng sibuyas sa Maynila noong Oktubre 2022. <em>Mark Demayo, ABS-CBN News/File</em></figcaption></figure></div><p>(UPDATE) Tiniyak ngayong Miyerkoles ng Department of Agriculture (DA) na hindi na aabot sa hanggang P700 ang kada kilo ng sibuyas, tulad ng nangyari noong nakaraang holiday season.</p><p>Sa harap ito ng patuloy na pagtaas ng presyo ng sibuyas.</p><p>Sa panayam ng Teleradyo, sinabi ni Agriculture Assistant Secretary Rex Estoperez na hindi na mangyayari ang sobrang pagmahal ng presyo ng sibuyas dahil mayroon naman mga stock pa ng sibuyas sa mga cold storage.</p><p>&quot;Hindi na babalik &#x27;yon kasi kung talagang puwersahan na, let&#x27;s open the warehouses kasi it&#x27;s emergency already na ganoon ang presyo ulit,&quot; ani Estoperez.</p><p>Plano rin umano ng DA na pabuksan ang mga warehouse ng sibuyas para malaman kung may nag-iipit nga ba ng supply nito.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2619471" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Iminungkahi naman ng Cold Chain Association of the Philippines (CCAP) sa gobyerno na gumawa ng paraan para masawata ang mga negosyanteng nananamantala para mapataas ang presyo ng mga sibuyas.</p><p>&quot;Dapat sana ang papel ng gobyerno ay mayroon silang gagawin na katapat na plano sa pamamahagi sa distribution ng mga produktong kagaya ng sibuyas para nga hindi naman umabot sa pananamantala ng mga private sector na negosyante na kanilang makontrol ang suplay at makontrol din ang presyo,&quot; ani CCAP President Anthony Dizon.</p><p>Nauna nang sinabi ng DA na posibleng mag-angkat ang pamahalaan ng 22,000 metric tons ng sibuyas para makontrol ang supply ang presyo.</p><p>Pero para sa Philippine Chamber of Agriculture and Food, hindi sapat ang 22,000 metric tons dahil mas malaki pa ang deficit o kakulangan sa supply.</p><p>Pero ayon sa DA, hirap pa silang alamin kung ano ang totoong situwasyon sa supply ng sibuyas dahil sa iba-ibang datos na kanilang nakakalap.</p><p>Tingin naman ng ilang mambabatas sa House of Representatives, may mga opisyal ng gobyerno na nakikipagkuntsabahan sa mga negosyante para makapag-hoard ng sibuyas.</p><p>Inungkat din ng mga mambabatas ang tila pagpapaliban sa desisyon ng DA na mag-angkat noong isang taon, na naging dahilan sa pagtaas ng presyo nito.</p><p>Ayon naman sa Bureau of Plant Industry (BPI), kinukunsidera nila ang pag-aangkat ng paunang 8,000 metric tons ng puting sibuyas na mauunang maubos kompara sa pula.</p><p>&quot;Ang tinitingnan natin is to have a buffer of two months,&quot; ani BPI Director Glenn Panganiban.</p><div><strong>— Ulat ni Jervis Manahan, ABS-CBN News</strong></div>

Tiniyak ng Department of Agriculture na hindi na aabot sa hanggang P700 ang kada kilo ng sibuyas, tulad ng nangyari noong nakaraang holiday season.