Push Admin

Ilang pangunahing bilihin may taas-presyo ngayong Hunyo

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2061548" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>May panibago na namang bugso ng taas-presyo sa ilang pangunahing bilihin ngayong Hunyo.</p><p>Ayon sa Philippine Amalgamated Supermarkets Association (PAGASA), kabilang sa mga magtataas ng presyo na 5 hanggang 10 porsiyento ang ilang brand ng sardinas, meat loaf, kape, evaporated milk, suka, asukal at instant noodles.</p><p>&quot;Next month, iba na naman ang tataas. Siyempre, nagtitinginan sila. Ngayon, ibang brand, next month naman, &#x27;yong isa or huwag muna, kaininin muna natin market niya,&quot; ani PAGASA President Steven Cua.</p><p>Malaking hamon din umano sa susunod na administrasyon kung paano pipigilan ang serye ng pagmahal ng bilihin.</p><p>&quot;We are afraid na mamaya, tumaas nang tumaas. &#x27;Di naman hyper pero runaway inflation,&quot; ani Cua.</p><p>&quot;The worst is stagflation. May inflation na nagtataas bilihin, nag-stagnate pa economy,&quot; dagdag niya.</p><p>Marami pa ring manufacturer ng mga produktong may suggested retail price (SRP) ang humihirit ng dagdag-presyo sa Department of Trade and Industry (DTI).</p><p>Pero ayon kay Trade Undersecretary Ruth Castelo, pinag-aaralan pa ang mga hirit.</p><p>&quot;Siyempre dahil pataas nang pataas ang presyo ng fuel, pataas rin ang presyo ng distribution nila. Marami pa kaming requests but we are all studying them,&quot; aniya.</p><p>Tiniyak ng bagong liderato ng DTI na hindi na nila aaprubahan ang mga bagong hirit na dagdag-presyo. Bahala na umano rito ang papasok na administrasyon.</p><p>Hanggang Hunyo 30 na lang si Secretary Ramon Lopez, na papalitan ni dating University of the Philippines president Alfredo Pascual.</p><p>Samantala, inilunsad ng DTI ang e-Presyo 2.0 kung saan bukod sa price monitoring, puwede na ring ireklamo ang mga produktong lagpas sa SRP at mag-post ng mga retrato ng mga bilihing na-monitor ng konsumer.</p><div><strong>— Ulat ni Alvin Elchico, ABS-CBN News</strong></div>

May panibago na namang bugso ng taas-presyo sa ilang pangunahing bilihin ngayong Hunyo.