Push Admin

Manila Water, Maynilad customers nadismaya sa mga lumobong water bill

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/l05tLPcBroc?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Nadismaya si Evelyn Francisco nang matanggap ang bill nila sa tubig dahil umabot sa higit P18,000 ang singil ng Manila Water para sa 3 buwang konsumo.</p><p>Tatlong pamilya sila Francisco na maghahati-hati ng tig-P6,000 gayong P4,000 na ang pinakamataas nilang buwanang bill bago ang coronavirus lockdown.</p><p>Ayon kay Francisco, hindi nila kakayanin ang mga bayarin dahil walang trabaho noong lockdown.</p><p>Nagulantang din ang labanderang si Desiree Picog sa P15,000 bill sa tubig mula sa Maynilad.</p><p>Bad timing daw ito dahil walang trabaho ang mister ni Picog.</p><p>May paliwanag naman ang Maynilad at Manila Water kung bakit lumobo ang mga bayarin sa tubig.</p><p>Una rito ay tag-init at ikalawa ay dahil sa quarantine, nasa bahay ang lahat ng miyembro ng pamilya kaya lumakas ang konsumo sa tubig.</p><p>Tiniyak naman ni Manila Water Spokesperson Jeric Sevilla na ang kanilang bill ay base sa basa ng metro.</p><p>Ayon naman kay Maynilad Spokesperson Zmel Grabillo, dahil sa lockdown, mas malaki talaga ang konsumo nitong mga nagdaang buwan kompara noong umpisa ng taon.</p><p>Wala rin isinama sa bill ang Maynilad na hindi nasukat ng metro, ani Grabillo.</p><p>Nauna nang sinabi ng parehong concessionaire na may hanggang July 31 para bayaran nang pautay-utay ang bill noong lockdown para sa mga komukonsumo ng lagpas 10 cubic meters kada buwan.</p><p>Ang mga lifeline user naman, o iyong hanggang 10 cubic meters ang konsumo kada buwan, ay may hanggang Agosto 31 para mabayaran ang bill, na puwede ring utay-utay.</p><div><strong>-- Ulat ni Alvin Elchico, ABS-CBN News</strong></div>

<p>Bukod sa Meralco, lumobo rin ang bill sa Maynilad at Manila Water ng mga konsumer, pero may dahilan naman umano kung bakit lumaki ang bayarin sa tubig.</p>

Bukod sa Meralco, lumobo rin ang bill sa Maynilad at Manila Water ng mga konsumer, pero may dahilan naman umano kung bakit lumaki ang bayarin sa tubig.