Push Admin

Pagpataw ng suggested retail price sa isda at gulay, inalmahan

Article (news)

ABS-CBN News

<figure class="op-interactive"><div id="IVS_ABS_Body_Video_1_Container"> <ivs-player id="IVS_ABS_Body_Video_1" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1430302" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="~//www.iwantv.com.ph/">iWantv</a> or <a href="~//tfc.tv/">TFC.tv</a></div><p>Inalmahan ng ilang nagtitinda sa palengke ang pagtakda ng Department of Agriculture (DA) ng suggested retail price (SRP) sa ilang klase ng isda at gulay.</p><p>Ayon sa mga nagrereklamo, depende talaga ang presyo ng mga produkto sa hango o dikta ng kanilang supplier.</p><p>&quot;Di kami pabor doon kasi unang-una ang presyo ng bangus namin, kapag masama ang panahon, nagbabago ng price &#x27;yan,&quot; anang isang tindero.</p><p>&quot;Lalo na kapag bagyo, walang-wala talagang makuha, eh kung sa P150 lang, wala na kaming kikitain,&quot; sabi naman ni Joseph Caña, tindero ng isda.</p><p>&quot;Malaki kasi ang puhunan ngayon, hindi nagkakasya &#x27;yong mga [kita] namin kaya hindi po nila dapat nilalagyan [ng SRP],&quot; sabi ng tinderang si Dolly Padua.</p><p>Pinirmahan nitong Lunes, Hunyo 25, ni Agriculture Secretary Manny Piñol ang administrative circular na nagpapataw ng SRP sa mga produktong agrikultural.</p><p><strong>Narito ang mga SRP ng mga kalakal na nabanggit sa circular:</strong><br/>• Regular Milled Rice - P39/kilo<br/>• Bangus - P150/kilo<br/>• Tilapia - P100/kilo<br/>• Galunggong - P140/kilo<br/>• Pulang Sibuyas - P95/kilo<br/>• Puting Sibuyas - P75/kilo<br/>• Bawang (Imported) - P70/kilo<br/>• Bawang (Local) - P120/kilo</p><p>Marami ring nagtitinda ang nagrereklamong hindi nila alam ang tungkol sa SRP dahil hindi pa sila naaabisuhan.</p><p>Pabor naman ang mga mamimili sa SRP dahil hindi na maaaring lumagpas sa itinakda ang presyuhan ng mga nabanggit na produkto.</p><p>&quot;Gusto ko iyon para alam mo &#x27;yong budget mo kung paano ia-adjust,&quot; sabi ng konsumer na si Linda Bastani.</p><p>Warning muna ang gagawin ng DA sa mga lalagpas sa SRP dahil ilalathala pa naman ang bagong patakaran.</p><p>Ayon kay Agriculture Undersecretary Ariel Cayanan, layunin ng pagtakda ng SRP na mabigyan ng proteksiyon ang mga konsumer mula sa umano&#x27;y pang-aabuso sa presyuhan.</p><p>Paliwanag pa ng DA, puwede pang tumaas nang kaunti sa SRP ang presyo ng mga ibinebenta basta hindi lumagpas ng 10 porsiyento, </p><p>Maaaring maharap sa kaso ang mga mahuhuling nagbebenta sa presyuhang sobra-sobra sa itinakda.</p><div><strong>-- Ulat ni Alvin Elchico, ABS-CBN News</strong></div>