Push Admin

Pamilya ng mga OFW, kinakapos dahil sa mahal na bilihin

Article (news)

ABS-CBN News

<h3>* Sibuyas, bawang, mas mataas sa SRP ang bentahan<br/>* Galunggong na imported, binebenta na</h3><figure class="op-interactive"><iframe height="315" src="https://www.youtube.com/embed/eXOYj1oanDU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Dumadaing na ang mga pamilya ng ilang overseas Filipino worker (OFW) na nahihirapan umanong pagkasyahin ang perang ipinadadala sa kanila dahil sa mga nagtataasang presyo ng mga bilihin.</p><p>Isa rito si Allan Rufino na pilit pinagkakasya ang pinagsamang sahod niya at padala ng inang nagtatrabaho sa Israel para sa kaniyang mag-ina, bunsong kapatid, at tiyuhing may sakit.</p><p>Nasa P9,000 ang take-home pay ni Rufino kada buwan bilang promodizer sa mall habang P20,000 naman ang natatanggap nila kada buwan mula sa ina.</p><p>&quot;Kahit naka-budget, kakapusin pa rin talaga,&quot; aniya.</p><p>Nasa P14,000 ang budget nina Rufino sa pagkain kada buwan, bukod pa sa bigas na ginagastusan nila ng P1,700.</p><p>Nasa P6,000 naman ang ibinibigay nila para sa upa ng bahay, P1,300 para sa internet, at P1,330 para sa hulugang cellphone na ginagamit din para makausap ang inang nasa Israel.</p><p>Nasa P700 naman ang ginagastos nila para sa tubig, P800 sa kuryente, P280 sa tubig pang-inom, at P3,450 sa gamot, pamasahe, at baon ng anak. </p><p>Dala ng kahirapan, nakatakda na ring umalis ang asawa ni Rufino na si Irish para magtrabaho naman sa Jeddah, Saudi Arabia. </p><p>&quot;Kabado pero iniisip ko na lang kailangan kasi,&quot; ani Irish.</p><p>Inihayag din ni Rufino ang interes na magtrabaho sa ibang bansa sakaling magtuloy-tuloy ang pagtaas ng presyo ng mga bilihin.</p><figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>PRESYO NG ILANG GULAY, LAGPAS SA SRP</strong></div><p>Samantala, nabatid naman ng isang konsumer group na ilang gulay, gaya ng bawang at sibuyas, ang itinitinda sa ilang palengke nang mas mataas sa suggested retail price (SRP).</p><p>Sa pag-iikot nitong Lunes ng Laban Kosnyumer sa Mega-Q Mart sa Quezon City, natuklasan nilang ibinebenta ng P300 ang kada kilo ng lokal na bawang gayong P120 lang ang itinakdang SRP nito.</p><p>Nasa P75 naman ang SRP ng kada kilo ng puting sibuyas pero ang bentahan daw nito ay nasa P100 kada kilo na.</p><p>Hinimok ni Laban Konsyumer president Vic Dimagiba ang Department of Trade and Industry na gumawa ng hakbang laban sa mga tinderong nagbebenta ng mas mataas sa SRP.</p><p>Ayon naman sa mga nagtitinda, wala naman silang magawa kung mahal ang hango. Kailangan din daw kasi nila magpatong ng presyo para kumita kahit kaunti.</p><p>Ipinanukala naman ni dating Agriculture Assistant Secretary Dax Gazmin na tapyasan ang layer na pinagdadaanan ng gulay bago makarating sa konsumer.</p><p>Walo raw kasi ang layer ngayon na nagsisimula sa farmer, at dadaan sa disposer, consolidator, middleman, wholesaler, retailer, at vendor bago makarating sa konsumer.</p><p>Pero maaari naman daw alisin ang consolidator, middleman, wholesaler, retailer upang mapababa rin ang presyo.</p><p>&quot;The bottom line is we want to bring wholesale prices on retail,&quot; ani Gazmin.</p><figure class="op-interactive"><div id="IVS_ABS_Video_Widget_2_Container"><ivs-player id="IVS_ABS_Video_Widget_2" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>INANGKAT NA GALUNGGONG, BAWAL PANG IBENTA</strong></div><p>Samantala, nilinaw naman ng Bureau of Fisheries and Aquatic Resources (BFAR) na bawal pang magbenta ng mga inangkat na galunggong sa mga palengke.</p><p>Mayroon na kasing nagtitinda ng mga inangkat na galunggong sa ilang palengke, gaya ng Kamuning Market.</p><p>Setyembre pa inaasahang magsisimula ang pag-angkat ng gobyerno ng galunggong bilang tugon sa pagtaas ng presyo ng naturang isda.</p><p>Magugunitang pinirmahan noong nakaraang linggo ni Agriculture Secretary Manny Piñol ang certificate of necessity o ang pahintulot sa pag-angkat ng galunggong hanggang Disyembre.</p><ul class="op-related-articles">	<li><a href="http://news.abs-cbn.com/news/08/16/18/presyo-ng-galunggong-patuloy-ang-pagtaas-da-payag-na-mag-import">Presyo ng galunggong patuloy ang pagtaas; DA payag na mag-import</a></li></ul><p>Hinikayat ng BFAR ang mga vendor na isumbong ang mga trader na sadyang pinapataas ang presyo ng isda o nagbebenta ng imported na galunggong sa palengke ngayon.</p><p>&quot;Small vendors should organize para mabigyan sila ng kaukulang tulong ng Department of Agriculture,&quot; ani BFAR Director Eduardo Gongona. </p><div><strong>-- Ulat nina Zen Hernandez, Alvin Elchico, at Warren De Guzman, ABS-CBN News</strong></div>

<p>Dumadaing na ang mga pamilya ng ilang overseas Filipino worker na nahihirapang pagkasyahin ang perang ipinadadala sa kanila dahil sa mga nagtataasang presyo ng mga bilihin.</p>

Dumadaing na ang mga pamilya ng ilang overseas Filipino worker na nahihirapang pagkasyahin ang perang ipinadadala sa kanila dahil sa mga nagtataasang presyo ng mga bilihin.