Push Admin

Bentahan ng parol sa Pampanga, bahagyang sumisigla sa pagpasok ng 'ber months'

Article (news)

ABS-CBN News

Mula pa Nueva Ecija si Lani Caguingin at mga kasama, pero bumaba sa lungsod ng San Fernando sa Pampanga para makakita at makapili ng parol na iuuwi sa bahay.Nagsulputan na kasi ang puwesto ng mga nagtitinda ng parol sa kahabaan ng Jose Abad Santos Avenue Road sa Barangay Dolores.&quot;Maganda, magaganda compared sa ibang nagtitinda ng parol, tsaka quality naman,&quot; ani Caguingin.Si Lyn Caballero na taga-bayan ng Sasmuan, Pampanga, kahit gipit sa budget, nagtabi ng kaunti para makabili ng bagong parol.&quot;Importante ang mga parol, sila ang nagpapaalala sa atin na maging masaya sa Pasko,&quot; aniya.Ayon sa ilang lantern makers, bahagyang nagtaas ang presyo ng parol ng P300 hanggang P500 ngayong taon.Ang Capiz Lanterns, nasa P1,200 hanggang P4,500 ang presyo depende sa laki. Ang metal-framed lanterns naman, naglalaro rin sa P1,500 hanggang P4,000 ang presyo.Ang metal towers, na may disenyong Christmas tree o Eiffel Tower, nasa P4,000 hanggang P5,000 ang halaga.Ang mga metal-framed plastic lanterns naman, nasa P2,800 ang 30 inches na laki.“Kasi sa pagbili natin sa gasolina tumaas din po tapos sa deliver pati materyales, lahat po ng materials tumaas, kahit bumbilya, wire, lahat nagtaasan,&quot; paliwanag ng lantern maker na si Rodel Reyes.Dalawang taon ding umaray ang mga lantern makers dahil sa tumal ng benta na dala ng pandemya kaya ngayong taon, umaasa silang makakabawi na.&quot;Kasi nung nakaraan pandemic eh, siguro ngayon makakabawi na yung mga nagpaparol kasi last year talaga nung pandemic talagang wala nalugi ang lahat eh, halos hindi nabenta yung iba, dahil pandemic nga sa takot ng mga tao ayaw magsilabas ng bahay,&quot; ani Jason Cedeño, isa ring lantern maker.&quot;Babawi na po kasi ramdaman na talaga ng bawat isa ang kapaskuhan ngayon dahil nung nakaraang taon talaga pandemic, malungkot kaya sa ngayon siguro kahit kami umaasa rin na maging masaya itong taon na ito,&quot; dagdag pa niya.Kumukutikutitap, kumikindatkindat, hindi nga makukumpleto ang ningning ng Pasko kung walang liwanag ng pag-asa na nagmumula sa kislap ng mga parol mula sa Pampanga, ang tinaguriang &quot;Christmas capital of the Philippines&quot;. – Ulat ni Gracie Rutao<div>MULA SA ARCHIVES</div><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=1762182" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>

Unti-unti nang sumisigla ang bentahan ng mga parol sa Pampanga sa pagsisimula ng Kapaskuhan sa Pilipinas.