Push Admin

Presyo ng gulay sa ilang pamilihan, higit doble na ang itinaas

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/w95etPt3CVc" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Higit doble na ang itinaas ng presyo ng mga gulay mula hilagang Luzon na ibinebenta sa ilang pamilihan sa Metro Manila dahil sa pananalasa ng bagyong Ompong.</p><p>Sa Balintawak Market sa Quezon City, nasa P400 na ang kada kilo ng repolyo na dating P100 lang habang umakyat naman sa P300 ang kada kilo ng Baguio petsay mula P70.</p><p>Bunga ang taas-presyo ng malaking pinsalang iniwan ng Ompong sa sektor ng agrikultura sa mga dinaanan nitong mga lugar.</p><p>Sa tala ng Department of Agriculture, umabot sa P3.3 bilyon ang halaga ng pinsala sa agrikultura sa Ilocos Region habang P6.4 bilyon naman sa Cagayan region. </p><p>Nasa P2.5 bilyon naman ang halaga ng pinsala sa Cordillera region.</p><p>Posible pa umanong maramdaman ang pagtaas ng presyo ng mga gulay sa mga susunod na araw.</p><figure class="op-interactive"><div id="IVS_ABS_Video_Widget_1_Container"><ivs-player id="IVS_ABS_Video_Widget_1" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>TAAS-PRESYO SA GULAY, RAMDAM DIN SA TUGUEGARAO, BAGUIO</strong></div><p>Tumaas din ang presyo ng gulay sa ilang pamilihan sa Tuguegarao City, Cagayan sa kabila ng babala ng Department of Trade and Industry na bawal magtaas ng presyo ng mga bilihin habang nakadeklara ang state of calamity sa buong lalawigan. </p><p>Nasa P10 hanggang P40 ang itinaas ng mga gulay gaya ng talong, kalabasa, okra, sili, patola, kangkong, at petsay.</p><p>Ang kada kilo ng talong, halimbawa, na dating P50, ay mabibili na sa halagang P80.</p><p>Mula P15, nasa P60 na ang presyo ng okra.</p><p>Nanatili naman ang presyo ng sibuyas, luya, at bawang.</p><p>Hindi rin gumalaw ang presyo ng karne at mga isda.</p><p>Katuwiran ng mga nagtitinda ay maraming nasalantang taniman ng gulay kaya nagmahal ang kanilang bili mula sa kanilang supplier.</p><figure class="op-interactive"><div id="IVS_ABS_Video_Widget_2_Container"><ivs-player id="IVS_ABS_Video_Widget_2" allow="autoplay" data-ivs-key="e8c22c015ca9eafa76f1e3edfa03c603" data-ivs-spid="3001339" data-ivs-wid="f5fb7bd1-3880"></ivs-player><script src="https://player.ivideosmart.com/ivsplayer/v4/dist/js/loader.js"></script></div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Sa Baguio City Public Market, P50 ang itinaas ng presyo ng repolyo at romaine lettuce.</p><p>Nasa P200 na ang presyo ng repolyo mula sa dating P150, habang umakyat naman sa P400 ang presyo ng romaine lettuce mula P350.</p><p>Doble naman ang itinaas ng carrots mula P150 hanggang P300.</p><p>Nagmahal din maging ang sayote, petsay, brocolli, iceberg lettuce, at cauliflower.</p><p>Napilitan namang magbenta nang patingi-tingi ang mga maggugulay matapos kumonti ang mga bumibili dahil sa taas-presyo.</p><p>Matapos namang malubog ang mga strawberry farm sa La Trinidad, Benguet sa kasagsagan ng Ompong, ibinenta na nang palugi ang mga natitirang strawberry. </p><ul class="op-related-articles">	<li><a href="https://news.abs-cbn.com/news/09/15/18/strawberry-farm-sa-benguet-lubog-sa-bahang-dala-ni-ompong">Strawberry farm sa Benguet lubog sa bahang dala ni Ompong</a></li></ul><p>Sa halip na P500 kada kilo, P40 kada kilo na lang ang presyo ng mga strawberry. </p><figure class="op-interactive"><div id="IVS_ABS_Body_Video_3_Container"> <ivs-player id="IVS_ABS_Body_Video_3" data-ivs-spid="3001339" data-ivs-key="e8c22c015ca9eafa76f1e3edfa03c603" data-ivs-vid="1423955" data-ivs-floating="1"></ivs-player> <script src="https://player.ivideosmart.com/ivsplayer/v4/dist/js/iframe-parent.js"></script> <script src="https://player.ivideosmart.com/ivsplayer/v4/dist/js/loader.js"></script> </div></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>ILANG TANIMAN SA LAGUNA, PINADAPA RIN NG BAGYO</strong></div><p>Bukod sa mga taniman sa Cordillera, pinadapa rin ng bagyong Ompong ang mga taniman ng gulay sa Bundok Banahaw sa bayan ng Liliw, Laguna. </p><p>Bunsod ng malalakas na hanging dala ng Ompong noong nagdaang weekend, nasira ang mga pananim na repolyo, lettuce, petsay, at beans sa Liliw.</p><p>Ayon sa mga magsasaka sa Liliw, limitado na lang ang kaya nilang isuplay na gulay sa mga rehiyon ng Calabrzon (Cavite, Laguna, Batangas, Rizal, at Quezon) at Metro Manila kaya posibleng magkaroon ng taas-presyo sa mga pamilihan.</p><p>Pero ayon kay Marlon Tobias ng Laguna agriculture office, hindi magiging mabigat ang epekto ng pagkasira ng gulayan ng Laguna sa suplay sa Metro Manila. </p><p>Tiniyak din ni Tobias na may sapat silang mga binhi para maipamahagi sa mga magsasaka para may bago silang maitanim.</p><p>Bukod sa Liliw, apektado rin ang ilang taniman ng gulay sa mga bayan ng Nagcarlan at Majayjay sa Laguna. <strong>-- Ulat nina Dennis Datu at Michelle Soriano, ABS-CBN News</strong></p>

<p>Posible raw magdulot ng taas-presyo ng gulay sa Metro Manila ang pagkasira ng mga taniman ng gulay sa mga pinagkukuhanang supplier. </p>

Posible raw magdulot ng taas-presyo ng gulay sa Metro Manila ang pagkasira ng mga taniman ng gulay sa mga pinagkukuhanang supplier.