Push Admin

'Buwis sa petrolyo puwedeng alisin muna para taas-presyo di mabigat'

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/QYK9izpANJ0?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><strong>DOF di pa irerekomendang suspendihin ang excise tax sa langis </strong></div><p>Iminungkahi ng samahan ng mga independent oil company sa bansa ang pag-alis ng value-added tax (VAT) o excise tax sa petrolyo para hindi gaanong mabigatan ang mga konsumer sa inaasahang taas-presyo kasunod ng pagbomba sa oil facility sa Saudi Arabia.</p><p>Pero wala pang nakikitang dahilan ang Department of Finance (DOF) para suspendihin ang buwis sa langis, partikular ang excise tax.</p><p>&quot;On the side of the government, baka puwedeng temporarily i-suspend ang VAT sa petrolyo, malaking tulong &#x27;yon. Either that or &#x27;yong excise tax,&quot; sabi ni Bong Suntay, tagapamuno ng Independent Philippine Petroleum Companies Association (IPPCA).</p><p>Nauna nang inihayag ni Suntay na handa ang IPPCA na utay-utayin ang pagsingil sakaling malaki ang maging taas-presyo sa petrolyo kasunod ng pagbomba sa Saudi Arabia.</p><ul class="op-related-articles">	<li><a href="https://news.abs-cbn.com/business/09/17/19/taas-presyo-sa-langis-dahil-sa-saudi-attack-puwedeng-utay-utayin">&#x27;Taas-presyo sa langis dahil sa Saudi attack puwedeng utay-utayin&#x27;</a></li></ul><p>Ilan sa mga kompanyang kasapi sa IPPCA ang Cleanfuel, Eastern Petroleum, Filpride, Filoil, Flying V, Seaoil, at Unioil.</p><p>Sa unang 2 araw ng kalakalan sa pandaigdigang merkado, P3.05 na ang iminahal ng kada litro ng imported gasoline at P2.20 naman sa kada litro ng diesel.</p><p>May 3 araw pa ng trading o kalakalan na maaaring magpababa o magpalobo sa presyo.</p><p>Bukas naman ang pamahalaan na suspendihin muna ang excise tax sa petrolyo sakaling lumobo ang presyo ng langis.</p><figure class="op-interactive"><iframe src="https://www.youtube.com/embed/1g4Nj_PIgt4?enablejsapi=1"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Kabilang ang pagsuspende sa excise tax sa mga hakbang ng Department of Energy (DOE) pero, gaya ng nakasaad sa batas, kailangan muna umanong umabot sa $80 per barrel sa 3 magkakasunod na buwan ang presyo ng petrolyo sa pandaigdigang merkado.</p><p>Tiniyak naman ni Energy Secretary Alfonso Cusi na may sapat na suplay ng langis para sa 30 araw.</p><p>Pero ayon kay Finance Undersecretary Karl Chua, walang basehang tanggaling kahit pansamantala ang VAT o excise tax sa petrolyo.</p><p>Humupa na raw ang presyo sa pandaigdigang merkado matapos siguruhin ng Saudi Arabia na babalik na sa normal ang kanilang produksiyon.</p><p>&quot;&#x27;Yong supply bumalik na sa normal according to the news that I read today so if that is the case then wala tayong impact sa ating oil supply and there&#x27;s no further action needed,&quot; ani Chua sa press briefing sa Malacañang.</p><p>&quot;We just need to monitor that the supply that&#x27;s coming from the Middle East is indeed adequate,&quot; dagdag ni Chua.</p><div><strong>OIL FIRMS DI DAPAT MANAMANTALA</strong></div><p>Ayon naman kay Bayan Muna Chairperson Neri Colmenares, hindi dapat gamitin ng mga kompanya ng langis ang pag-atake sa Saudi Arabia para itaas ang presyo ng petrolyo.</p><p>Problema ang kakulangan sa transparency ng mga oil firm dahil hindi alam ng publiko kung tama ang ipinatutupad na dagdag-presyo, ayon kay Colmenares.</p><p>Nanawagan din si Albay 2nd District Rep. Joey Salceda, chairman ng House committee on ways and means, sa mga kompanya ng langis na huwag pagsamantalahan ang pag-atake sa oil facility sa Saudi Arabia.</p><p>&quot;&#x27;Yong mga oil companies, don&#x27;t take advantage of the windfall, &#x27;cause some of them are trying to price already their old inventories in the new one,&quot; ani Salceda.</p><div><strong>UNBUNDLING</strong></div><p>Ayon pa kay Colmenares, dapat na ring resolbahin ng korte ang injunction na kinuha ng mga kompanya ng langis laban sa utos ng Department of Energy (DOE) na unbundling.</p><p>Sa ilalim ng unbundling, isusumite ng mga oil company sa DOE ang hinimay na presyuhan ng petrolyo.</p><p>Pero mariing tinututulan ng mga kompanya ang unbundling dahil may mga impormasyon umanong hindi puwedeng malaman ng mga magkakakompetisyong kompanya.</p><ul class="op-related-articles">	<li><a href="https://news.abs-cbn.com/business/08/05/19/2-korte-inutos-ang-pagtigil-ng-unbundling">2 korte inutos ang pagtigil ng &#x27;unbundling&#x27;</a></li></ul><p>Nauna nang iginiit ng DOE na para lang sa kanila at hindi ibabahagi sa publiko ang isusumiteng datos ng mga kompanya.</p><div><strong>-- Ulat nina Alvin Elchico at Joyce Balancio, ABS-CBN News</strong></div>

<p>Wala pang nakikitang dahilan ang Department of Finance para suspendihin ang buwis sa langis.</p>

Wala pang nakikitang dahilan ang Department of Finance para suspendihin ang buwis sa langis.