Push Admin

Ilang nagtitinda di muna pinapasa sa mga kostumer ang taas-presyo sa bigas

Article (news)

Anjo Bagaoisan, ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2303593" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div>MANILA — Hindi tumaas ang presyo ng bigas sa mga puwesto sa Kamuning Public Market sa Quezon City nitong nakaraang linggo. Pero umaaray ang tinderang si Marideth Cana na linggo-linggong nagmamahal ang presyo ng kinukuha nilang sako ng bigas. Aniya, nagmamahal ng P20 hanggang P30 ang presyo ng sako kada linggo.Sa kabila nito, nakapako pa rin ang presyo ng kanyang tinitindang bigas na huling tumaas noong simula ng Oktubre. Nagdesisyon siyang huwag ipasa muna sa mga suki ang dagdag na presyo dahil naawa rin kasi siya sa mga hirap sa budget at baka hindi na makabili pa.Pero aminado siyang hindi niya alam hanggang kailan niya ito gagawin bago mapilitang magtaas ulit.“Unti-unti lang [tumataas] pero pagka naipon mo, malaki na rin,” sabi ni Cana.“E hindi pa namin alam kasi wala pa ‘yong order namin dahil hindi pa dumadating. Baka ‘pag dumating ‘yon, panibagong presyo na.”Bumabawi muna siya ng tubo sa mga bumibili ng sako ng bigas imbes na kilo-kilo.Bukod sa mahal ng presyo ng lokal na bigas, problema din aniya ang kakulangan sa suplay ng mga bigas galing ibang bansa.“Karamihan sa gusto ng tao ‘yong magandang grain. E imported ‘yon. Kaya ‘yon ang mahirap,” sabi ni Cana.“Siyempre ang tao pinagkakasya lang ang pera. Kaya ganoon ang nangyayari. Wala gaanong dumadating na imported.”Naglalaro ngayon ang kada kilo ng bigas sa Kamuning Market sa P35 hanggang P60 depende sa klase.<div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2022/life/10/22/20221022-rice_02.jpg" src="https://sa.kapamilya.com/absnews/abscbnnews/media/2022/life/10/22/20221022-rice_02.jpg"/></figure></div><div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2022/life/10/22/20221022-rice_03.jpg" src="https://sa.kapamilya.com/absnews/abscbnnews/media/2022/life/10/22/20221022-rice_03.jpg"/></figure></div><div class="embed-wrap"><figure data-feedback="fb:likes,fb:comments"><img alt="https://sa.kapamilya.com/absnews/abscbnnews/media/2022/life/10/22/20221022-rice_04.jpg" src="https://sa.kapamilya.com/absnews/abscbnnews/media/2022/life/10/22/20221022-rice_04.jpg"/></figure></div>Nagpanatili rin ng presyo ang ibang pwesto ng bigas dahil inuubos pa ang hawak nilang stock.Namamahalan pa rin ang mga konsyumer gaya ni Robert Belisario, na tumatangkilik na ng mas murang bigas.Aniya, kulang na rin sa kanilang pamilya ‘yong binibiling isang sako ng bigas dalawang beses sa isang buwan.“Nagiging tight ang budgeting mo. Lagi kang pumapasok sa petsa de peligro,” sabi niya.“Kung tumaas, ‘yong 25 kilos hindi na sapat para sa 2 weeks, so nauubusan ka, bibili ka tingi-tingi, 4 kilo, 5 kilo ganun. Talagang naapektuhan din. Hindi na katulad ng dati. Dapat sa magandang klase ka, pipili ka ngayon ng mas affordable na lang, ‘yong kaya ng budget mo.”Samantala, wala namang paggalaw sa presyo ng asukal sa palengke.Nasa P120 pesos per kilo ang puting asukal, habang mas mura ng limang piso ang brown sugar o ‘yong may kulay.Hindi nag-aalala ang nagtitindang si Ariel Lumbiano na maaapektuhan ng mga naging kontrobersya at presyo ng bigas ang pagbili ng kanilang mga suki, lalo’t pwede naman bumili nang tingi-tingi.“Bibili naman sila ‘pag kailangan nila. E ‘yong mga nagrereklamo diyan ‘yong mga bakery, pero kung pambahay lang ‘di naman sila masyadong ganon. Kasi lahat naman ng tinitimpla ngayon may asukal na. So ‘yong malalakas gumamit, ‘yan ang nagrereklamo,” sabi ni Lumbiano.Sa ibang sangkap sa pagluluto, bumaba kamakailan ang presyo ng mantika.Nasa P33 ang maliit, P75 ang 0.75 liters, at P150 ang 1.5 liters.Nagpapasalamat lang ang ilang tindera, na sa kabila ng nakaraang pagtaas ng presyo ng produktong petrolyo na aapekto sa paghatid ng mga pangunahing bilihin, hindi tinaasan ng kanilang supplier ang presyo ng mantika.

Nagdesisyon ang isang tinderang huwag ipasa muna sa mga suki ang dagdag na presyo dahil naawa rin kasi siya sa mga hirap sa budget.

Ilang nagtitinda di muna pinapasa sa mga kostumer ang taas-presyo sa bigas

News

Entertainment

Lifestyle

Sports

Metro.Style

More

Sudoku

Word of the Day

Lotto

Horoscope

Business

Ilang nagtitinda di muna pinapasa sa mga kostumer ang taas-presyo sa bigas

Anjo Bagaoisan,

ABS-CBN News

Published October 22, 2022 05:17 PM PHT

|

Updated October 22, 2022 06:41 PM PHT

Read More:

PatrolPH

Tagalog news

agrikultura

konsumer

Price Patrol

bigas

palengke

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

AI Policy

Terms of Service

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.

NPC Seal of Registration

Privacy Policy

Terms of Service

AI Policy

Advertise with Us

© 2026 ABS-CBN Corporation. All Rights Reserved.