Push Admin

Ilang tindero, may apela tungkol sa SRP, pangalan ng bigas

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/7xzSOaJld6k?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Umapela ang ilang nagtitinda ng bigas na bigyan sila ng sapat na panahon para makapaghanda sa pagpapatupad ng suggested retail price (SRP) at bagong pagpangalan sa bigas, na nakatakdang magsimula sa Sabado. </p><p>Ayon sa ilang nagtitinda ng bigas, handa silang sumunod sa itinakdang SRP pero aminado rin silang mahihirapan sila sa pagpapatupad nito dahil pabago-bago ang presyo ng bigas.</p><p>May kalituhan din daw para sa kanila ang hakbang na paglimita sa mga label o pangalan ng bigas.</p><p>Ayon pa sa mga nagtitinda ng bigas, kaya pa nilang ibigay ang SRP sa ngayon dahil mura ang bigas bunsod ng anihan at madaming suplay.</p><p>Ayon sa tinderang si Neneng Ignacio, pumapatak na P1 kada kilo ang kita niya sa P44 na SRP ng well-milled na bigas pero lugi raw siya dahil sa renta, pasahod sa tauhan, at bayad sa trucking na umaabot din sa P60,000 kada buwan.</p><p>Hahanap na lang daw siya ng trader o supplier na mura ang benta.</p><p>&quot;Pero kung wala naman silang maibibigay na mababa doon sa pasok sa presyo na &#x27;yan, wala tayong magagawa kundi sumunod sa gusto nila,&quot; ani Ignacio.</p><p>Sinabi naman ng ibang nagtitinda na babawi na lang sila sa special rice na hindi papatawan ng SRP.</p><div class="embed-wrap"><figure data-feedback="fb:likes,fb:comments"><img src="https://pbs.twimg.com/media/DqNElcAU0AEwj4-.jpg"/></figure></div><p>Ayon sa Department of Agriculture (DA), hindi dapat lumagpas sa P39 ang kada kilo ng regular-milled rice (lokal), P44 ang kada kilo ng well-milled rice (lokal), at P47 ang kada kilo ng premium rice (lokal). </p><p>Hindi naman dapat humigit sa P43 ang kada kilo ng imported premium rice, at P39 ang kada kilo ng imported well-milled rice, ayon sa DA.</p><div><strong>KALITUHAN SA PAGPANGALAN</strong></div><p>Ayon pa sa mga nagtitinda ng bigas, namomroblema sila sa pagpangalan sa mga bigas. </p><p>Kaya nanawagan sila sa DA na maglabas ng mga alituntuning mauunawaan daw nila.</p><p>Nauna nang ipag-utos ng DA ang pagtanggal ng mga pangalan ng bigas gaya ng &quot;Sinandomeng,&quot; &quot;Super Angelica,&quot; at &quot;Yummy Rice.&quot;</p><p>Sa halip, regular-milled, well-milled, premium, at special rice na lamang ang itatawag sa mga ito.</p><p>Isa sa mga inihalimbawa ng mga nagtitinda ay ang halos magkaparehong hitsura at kulay ng well-milled at premium na bigas. Mas marami lang daw durog ang well-milled.</p><p>Pero kapag hindi maganda ang pagkadurog at pagkagiling sa premium rice ay maaari raw itong maging well-milled, at malagyan ng ibang presyo.</p><div><strong>--Ulat ni April Rafales, ABS-CBN News</strong></div>

<p>Umapela ang ilang nagtitinda ng bigas na bigyan sila ng sapat na panahon para makapaghanda sa pagpapatupad ng suggested retail price (SRP) at bagong pagpangalan sa bigas, na nakatakdang magsimula sa Sabado. </p>

Umapela ang ilang nagtitinda ng bigas na bigyan sila ng sapat na panahon para makapaghanda sa pagpapatupad ng suggested retail price (SRP) at bagong pagpangalan sa bigas, na nakatakdang magsimula sa Sabado.