Push Admin

Itlog, taas-presyo sa ilang pamilihan; wholesale price, tataas pa

Article (news)

ABS-CBN News

<figure class="op-interactive"><iframe height="315" src="https://www.youtube.com/embed/lvMkMEoaB18" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><p>Isang dosena lang ang biniling itlog ni Rufina Rivera mula sa kaniyang suki sa Commonwealth Market sa Quezon City para sa almusal ng kaniyang pamilya ngayong linggo. </p><p>Ayon sa kaniya, halos isang buwan na kasing mataas ang presyo ng itlog sa tindahan. </p><p>&quot;Bawas-bawas lang ng bibilhin... &#x27;Pag kailangan talaga, kahit magmahal, bibili at bibili tayo,&quot; sabi ni Rivera.</p><p>Mula P4.67, umakyat na sa P5 ang kada piraso ng pinakamurang itlog sa Commonwealth Market. Umabot naman sa P6 ang pinakamalaking piraso mula P5.67. </p><p>Ayon sa tinderang si Rowena Abuy, nagmahal ang benta ng mga suplayer ng itlog.</p><p>&quot;Nagtaas kasi &#x27;yong suplayer namin ng itlog,&quot; ani Abuy.</p><p>Bukod sa Commonwealth Market sa Quezon City, tumaas din ang bentahan ng itlog sa ilang pamilihan sa Maynila pati sa Kamuning Market dahil din sa mga suplayer. </p><div><strong>WHOLESALE PRICE NG ITLOG, NAKAAMBANG TUMAAS</strong></div><p>Sa susunod na linggo, itataas ng mga egg producer ang presyo ng wholesale sa itlog.</p><p>Ayon sa Samahan ng Industriya ng Agrikultura (Sinag), aakyat ng mula P50 hanggang P100 ang presyo ng kada tali ng tray o 360 piraso ng itlog. </p><p>Ibig sabihin, kung ngayon ay P1,500 ang presyo ng 360 piraso ng small-sized egg, magiging P1,550 na ito sa susunod na linggo.</p><p>Aakyat naman sa P1,700 ang 360 piraso ng medium-sized egg mula P1,600, habang ang large-sized egg na ngayon ay P1,800 kada 360 piraso ay magiging P1,850.</p><p>&quot;For the past month kasi, hindi masyadong maganda ang presyo ng egg eh. &#x27;Yong feeds ang laki ng tinaas, may adjustment na kailangang ayusin talaga,&quot; sabi ni Sinag Chairperson Rosendo So.</p><p>Tiniyak din ng Sinag na sapat ang suplay ng itlog para matugunan ang pangangailangan ngayong Disyembre.</p><p>Ayon kay Agriculture Secretary Emmanuel &quot;Manny&quot; Piñol, karaniwang tumataas ang presyo ng itlog dahil sa demand.</p><p>Samantala, kahit nagmahal ang itlog at iba pang sangkap sa paggawa ng tinapay, tiniyak naman ng grupo ng mga panadero na hindi sila magtataas ng presyo ng mga cake, pastry, at iba pang baked products na mabibili tuwing holiday season.</p><p>&quot;Ang atin pong hiling, sana naman ay huwag nating galawin ang ating presyo, upang sa ganoon ay hindi magtampo ang ating mga mamimili,&quot; sabi ni Chito Chavez, vice president ng Philippine Federation of Bakers&#x27; Association Inc. </p><div><strong>--Ulat ni Anjo Bagaoisan, ABS-CBN News</strong></div>

<p>Tumaas ang presyo ng itlog sa ilang pamilihan sa Kamaynilaan habang nakatakda pang tumaas ang wholesale price nito.</p>

Tumaas ang presyo ng itlog sa ilang pamilihan sa Kamaynilaan habang nakatakda pang tumaas ang wholesale price nito.