Push Admin

ALAMIN: Paano ipaparehistro ang SIM card?

Article (news)

ABS-CBN News

<figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2377735" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p><strong>(UPDATE) </strong>Sa gitna ng holiday rush, hinikayat ngayong Martes ng National Telecommunications Commission (NTC) ang publiko na agad magparehistro ng kanilang SIM card. </p><p>Kasunod ito ng paglabas ng implementing rules ang regulations para sa SIM Registration Act, kung saan obligado nang iparehistro ang mga SIM card simula Disyembre 27.</p><p>Sa panayaman ng TeleRadyo, sinabi ni NTC consultant Engineer Edgard Cabarios na may 6 na buwan ang publiko para magparehistro at kung kinakailangan ay puwede pa itong palawigin nang 120 na araw.</p><p>Online ang pagpaparehistro at kailangan lang sagutin ang form sa website ng mga telco. Kasama sa mga hihinging impormasyon ang pangalan, address, petsa ng kapanganak at kasarian.</p><p>Kung wala namang ID, maaari umanong kumuha ng barangay certificate na may larawan.</p><p>Para naman sa mga walang access sa internet, sinabi ni Cabarios na puwedeng tumulong ang Department of Information and Communications Technology, telcos at iba pang government agency sa pagpaparehistro.</p><p>Nagbabala ang NTC na hindi na magagamit ang SIM card kapag hindi ito naiparehistro.</p><p>Tiniyak din ng NTC na ligtas at protektado ang personal data sa SIM Registration Act.</p><p>Puwede umanong makulong at magmulta ng hanggang P1 milyon ang mga magbibigay ng maling impormasyon sa registration form.</p><figure class="op-interactive"><iframe allow="autoplay; fullscreen" frameBorder="0" height="100%" id="ivsplayer01" scrolling="no" src="https://player.ivideosmart.com/ivsplayer/v4/dist/html/iframe-src.html?iframeid=ivsplayer01&amp;key=e8c22c015ca9eafa76f1e3edfa03c603&amp;spid=3001339&amp;vid=2378415" width="100%"></iframe></figure><div class="iwantbar">Watch more News on <a href="https://www.iwanttfc.com/#!/browse/Genres/News/tag_id_genres/id_news" target="_blank">iWantTFC</a></div><p>Kaugnay niyan, naghahanda na ang mga telecommunication company sa nalalapit na pagsisimula ng SIM registration.</p><p>Ayon sa Globe, maglulunsad sila ng online portal o website kung saan magpaparehistro ang subscribers.</p><p>Handa na umano ang kanilang special assistance desk para tumulong sa mahihirapang magparehistro.</p><p>Ayon naman sa Smart, ilang buwan na silang naghahanda at kabilang sa paghahanda ang paggamit ng teknolohiya mula ibang bansa.</p><p>Nangako naman ang DITO Company na gagawing simple at tinawag na &quot;painless&quot; ang proseso para makapagparehistro ang kanilang subscribers.</p><p>Nagpayo ang mga kompanya sa publiko na abangan ang anunsiyo ng magiging proseso sa kani-kanilang social media pages.</p><p>Nababahala naman si Sen. Grace Poe dahil sa aniya&#x27;y hindi malinaw na verification process para mapatunayan kung totoong impormasyon ang ibinigay ng SIM owner.</p><p>Pero sinabi ng mga telco na international standards ang kanilang basehan sa pagpaparehistro at pagbeberipika ng impormasyon.</p><div><strong>— May ulat ni Jekki Pascual, ABS-CBN News</strong></div>

Inilabas na ang implementing rules ang regulations para sa SIM Registration Act, kung saan obligado nang iparehistro ang SIM card simula Disyembre 27.