Push Admin

Batas ng Japan amusement parks: Bawal sumigaw, mga 'multo' may physical distancing

Article (news)

ABS-CBN News

TOKYO, Japan - Bawal nang sumigaw, dapat magsagawa ng physical distancing ang mga multo ng mga horror house, at bawal nang makipag-apir sa mga mascot sa ilalim ng &quot;new normal&quot; ng mga amusement park sa Japan ngayong may banta ng coronavirus. Ito lamang ang ilan sa mga napagkasunduan ng grupo ng park operators, sa paunti-unting pagbubukas ng mga amusement park sa nasabing bansa. Kasama sa mga rekomendasyon ang pagsuot ng mga face mask at ang pagbabawal sa paninigaw o malalakas na boses sa mga roller coaster at iba pang amusement park rides. Dapat namang may physical distancing ang mga multo at horror houses sa mga biktima nila. Bawal naman makipagkamayan ang mga mascot at superheroes na lumilibot sa amusement park sa mga bisita. Hindi rin dapat hinihikayat ng mga superhero ang kanilang audience kapag may live show para maiwasan ang paninigaw - na posibleng magdulot ng pagkalat ng coronavirus droplets. Sarado pa rin ang virtual reality attractions hangga’t ma-sanitize ang mga aparato na ginagamit dito gaya ng mga goggles o kaya glasses. At para sa mga magulang—pagbabawalan na ang pag-display ng mga laruan o food sample na puwedeng hawakan o kainin ng mga maliliit na bata. &quot;These guidelines will not bring infections to zero, but will reduce the risk of infection,&quot; paliwanag ng park operators, na nangakong pag-aaralan pa nila ang ibang paraan para maiwasan pa ang hawahan sa mga amusement parl. Sarado pa sa ngayon ang mga kilalang theme park ng Japan — ang Tokyo Disneyland at ang Universal Studios sa Japan sa Osaka at hindi pa tiyak kung kailan ito magbubukas. Pero inalis na ni Japan Prime Minister Shinzo Abe ang nationwide state of emergency matapos bumaba ang bilang ng kaso ng coronaviurs sa Japan. Hinikayat ang mga residente at mga negosyo na sumunod sa “new normal” kabilang ang pagsusuot ng mga mask at kung maaari, sundan ang physical distancing.<div>-- Isinalin mula sa ulat ng Agence France-Presse</div>

TOKYO, Japan - Bawal nang sumigaw, dapat magsagawa ng physical distancing ang mga multo ng mga horror house, at bawal nang makipag-apir sa mga mascot sa ilalim ng "new normal" ng mga amusement park sa Japan ngayong may banta ng coronavirus.

TOKYO, Japan - Bawal nang sumigaw, dapat magsagawa ng physical distancing ang mga multo ng mga horror house, at bawal nang makipag-apir sa mga mascot sa ilalim ng "new normal" ng mga amusement park sa Japan ngayong may banta ng coronavirus.