Push Admin

Cardboard kabaong ginagamit sa Sri Lanka para sa ilang namatay sa COVID-19

Article (news)

ABS-CBN News

Sa harap ng pagdami ng kaso ng COVID-19 sa Sri Lanka ay gumagamit ang ilang residente ng kabaong na yari sa cardboard kung saan ike-cremate ang mga namamatay sa sakit. Gamit ang staple at pandikit, bumubuo ng mahahabang cardboard boxes ang mga factory worker sa Dehiwala-Mount Lavinia city, na gawa sa recycled paper. <ul class="op-related-articles">	<li><a href="https://news.abs-cbn.com/overseas/08/09/21/sri-lanka-holds-mass-cremations-as-covid-cases-surge">Sri Lanka holds mass cremations as COVID cases surge</a></li>	<li><a href="https://news.abs-cbn.com/news/08/13/21/ph-extends-travel-ban-on-10-countries-until-aug-31">PH extends travel ban on 10 countries until end-August: Palace</a></li></ul>Ang presyo ng mga kabaong, 1/6 lang ng presyo ng pinakamurang kabaong na de-kahoy, ayon kay Priyantha Sahabandu, miyembro ng municipal council ng Dehiwala-Mount Lavinia. Ang lokal na pamahalaan ang unang bumuo ng ideya.Noong Agosto 20 ay 198 ang naitalang namatay sa Sri Lanka dahil sa COVID-19. Ito ang pinakamataas nilang daily death toll. Sa kabuuan, nasa 7,560 ang namatay sa sakit. Ayon kay Sahabandu, nasa 400 katao araw-araw ang namamatay sa Sri Lanka sa samu&#x27;t saring kaso. &quot;To make 400 coffins you have to cut some 250 to 300 trees. To prevent that environmental destruction I proposed this concept to the health committee of the council,&quot; aniya. &quot;With the spread of the coronavirus, people found it difficult to pay for expensive wooden coffins,&quot; dagdag niya.Nasa 4,500 Sri Lankan rupees (P1,130) ang isang cardboard na kabaong, kung ikukumpara sa 30,000 Sri Lankan rupees (P7,500 ) na presyo ng pinakamurang kabaong na gawa sa kahoy, ayon kay Sahabandu. Kaya nitong kargahin ang lamang aabot sa 100 kilograms. Dating ginagamit lang ito sa mga namamatay sa COVID-19 pero kamakailan ay tinatangkilik na rin ito ng mga environmentally-conscious. Aabot sa 350 cardboard coffins ang naideliver noong unang bahagi ng 2020, at gumagawa na ulit ngayon ng 150 iba pa ang pabrika na ilalaan para sa council. &quot;The majority of the people in the country support this. The issue today is supplying it. We are working on that,&quot; ani Sahabandu. Naka-total lockdown nang 10 araw mula Agosto 20 ang Sri Lanka sa harap ng pagdami ng Delta variant cases. <div>-- Isinalin mula sa ulat ng Reuters</div>

Nasa 4,500 Sri Lankan rupees (P1,130) ang isang cardboard na kabaong, na ginagamit pang cremate sa mga namamatay sa COVID-19. 