Ilan nabahala sa pagdami ng gamu-gamo sa kalsada

Bayan Patroller Ruth Obusa

Abala para kay Bayan Patroller Ruth Obusa ang pagdami ng mga gamu-gamo sa poste ng ilaw sa San Antonio, Parañaque City noong Mayo 14 bandang alas-7 ng gabi. 

Kuwento niya, pauwi na siya sa kanilang bahay habang sakay ng kanyang e-bike nang madaanan ang poste na napalilibutan ng mga gamu-gamo. 

Paglabas ng mga gamo-gamo, senyales ng paparating na tag-ulan

Pero bukod sa kumpulan sa ilaw ay may mga gamu-gamo rin na dumadapo sa kanyang mukha na naging dahilan para maabala sa pagda-drive. 

“Halos madaming dumadaan nagtatakip lang mga damit nila sa ulo. Papasok sa loob ng damit naka e-bike kasi ako kaya medyo nahirapan ako dumaan,” kuwento ni Bayan Patroller Ruth. 

Paliwanag ni ABS-CBN Resident Meteorologist Ariel Rojas ay madalas na lumalabas ang mga gamu-gamo kapag malapit na magsimula ang tag-ulan. 

Winning Moment: Paano maiiwasang mag-amoy-kulob ang sinampay pag tag-ulan?

“Nagsisilabasan ang mga gamu-gamo kapag nagsisimula na ang mga pag-ulan dahil mainam ang alinsangan para sa pagpaparami,” ayon kay Rojas. 

Dahil sa ulan ay lumalambot ang lupa na ginagawang kolonya ng mga winged termites o gamu-gamo, dagdag pa ni Rojas.