Eric Fructuoso, emosyonal dahil sa mga anak

Watch more in iWantv or TFC.tv

MAYNILA -- Hindi naiwasan ni Eric Fructuoso ang maging emosyonal nang matanong kung ano ang pinaka-proud niyang nagawa o ginagawa para sa mga anak.

Ayon kay Eric, ang mapangalagaan ang apelyidong ibinigay niya sa kanyang mga anak ang pinakamahalaga niyang sakripisyo bilang isang ama.

"Para sa akin ang pinakamaganda sigurong naibigay ko na sa kanila ay 'yung apelyido ko. 'Yung apelyidong suwerte tayo at kilala. So ang pinakasinasakripisyo ko talaga na no matter what na natatanggap mo, hindi ka lalaban. Magiging maayos ka lang sa lahat ng tao, magiging mababait ka para balang araw sila ang aani noon. Kaya 'yung apelyido ko ngayon ay pinaghuhusayan ko na maging maayos sa lahat ng tao para one day mapakinabangan nila ng tama 'yon," paliwanag ni Eric.

Sa ngayon ay abala si Eric bilang parte ng sikat na seryeng "Kadenang Ginto" na ipinapalabas mula Lunes hanggang Biyernes, pagkatapos ng "It's Showtime."