Fans ni Julia Montes, Shaina, tutok sa unang araw ng 'Asintado'

MANILA -- Hindi na makapaghintay ang die-hard fans nina Julia Montes at Shaina Magdayao sa kanilang nalalapit na paglabas sa Kapamilya Gold series na "Asintado."

Trending sa social media ang pilot episode ng serye nitong Lunes, kung saan ipinakita ang simula ng kuwentong siguradong susundan ng maraming Pilipino.

Sa unang episode ng palabas, ipinakilala sina Katrina (Magdayao) at Juliana (Montes), magkapatid na pinaglayo ng isang trahedyang sinimulan ng mga impluwensyal na tao sa lipunan.

Pinasunog ni Miranda (Lorna Tolentino), ang chief strategist ng pulitikong si governor Salvador Del Mundo, ang bahay kung saan lumaki sina Katrina at Juliana. Naabo hindi lamang ang kanilang tahanan, kundi pati ang kanilang butihing ina at amang witness sa isang anomalya sa gobiyerno.

Ang trahedyang ito ang nagdala sa magkapatid sa bahay ampunan, kung saan makikilala ni Katrina si Hillary Del Mundo (Agot Isidro), ang maybahay ni Governor Del Mundo.

Dala ng awa sa magkapatid, napagpasyahan ni Hillary na ampunin si Katrina para mabigyan ito ng mas magandang buhay. Walang kamuwang-muwang ang bata na ang taong umampon sa kanya ay ang asawa ng taong nakalaban ng kanyang ama.

Watch more in iWantv or TFC.tv

At tila hindi na tatagal ang paghihintay ng fans nina Montes at Magdayao, dahil sa teaser ng susunod na episode, ipinakita ang dalagang bersiyon nina Katrina at Juliana.

Tuwang-tuwa tuloy ang fans dahil, sa wakas, muli nilang mapapanood tuwing hapon ang kanilang mga idolo. Narito ang ilan sa kanilang reactions:

The quality of a show is not defined by its timeslot. #AsintadoPanimula

— La Reine Mara 👑💖 (@TheQueenMara) January 15, 2018

Julia and Shaina in 1 project. 2 of my most fave actresses working together. Mah heaaart!😭❤️#AsintadoPanimula

— YSSA💋 (@yssabelonio) January 15, 2018

#AsintadoPanimula is top trending topic nationwide. Everyone's excited for Asintado. Mamaya na po after It's Showtime pic.twitter.com/zmngh2gwmW

— Julia Montes Spikers (@JuliaMSpikers) January 15, 2018

This is just the beginning. What more when we have Shaina Magdayao and Julia Montes battling it out every single day with their acting skills. #AsintadoPanimula

— Shaina Meme (@ShainaMeme) January 15, 2018

Mapapanood ang "Asintado" tuwing Lunes hanggang Biyernes ng hapon pagkatapos ng "It's Showtime."