Push Admin

KILALANIN: Mga bigating hurado sa Miss Q&A coronation sa Big Dome

Article (news)

ABS-CBN News

Bigatin ang paghahanda para sa coronation ng ikalawang yugto ng Miss Q&amp;A ng It&#x27;s Showtime na gaganapin pa sa Big Dome sa Pebrero 23. Nitong Huwebes pa lang, sinimulan na ang countdown para sa coronation ng pageant, kung saan 20 &quot;beki&quot; ang magtatagisan. Ayon sa hurado at beauty queen na si Nicole Cordoves, mala-Binibining Pilipinas ang paghahanda ng mga kandidata, mula sa make-up, gowns, pictorial, at maging sa pagpili ng sapatos. Rebelasyon ni Cordoves, ang &quot;lucky&quot; shoemaker nina Miss Universe Catriona Gray at Miss Intercontinental Karen Gallman na si Jojo Bragais mismo ang lilikha ng mga sapatos ng 20 kandidata. &quot;All the drills of a pageant... Excited ang mga beki sa shoes ni Jojo dahil &#x27;yan ang marka ng beauty queen, ang heels,&quot; aniya. Masaya si Cordoves dahil nagmarka na umano ang Miss Q&amp;A sa pageant industry lalo&#x27;t kakaiba ang pamantayan nito sa pagpili ng reyna. &quot;Bukod sa beauty, dapat intelligent and witty. Baka sabihin nila nanalo sila dahil nakakatawa. Eh bakit hindi? Ang hirap kaya magpatawa,&quot; depensa ng beauty queen. Bukod kay Cordoves, kabilang sa mga hurado sa finals sina Charo Santos-Concio, James Reid, Nadine Lustre, Maymay Entrata, at Boy Abunda. Bukod sa brand new sash, brand new throne, at brand new crown, mag-uuwi din ng kotse at trip to Korea for 2 ang tatanghaling Miss Q&amp;A.Noong nakaraang taon, kinoronahan si Juliana Parizcova Segovia bilang kauna-unahang Miss Q&amp;A. <div>—Ulat ni Mario Dumaual, ABS-CBN News</div>

Todo-todo na ang paghahanda para sa coronation ng ikalawang yugto ng Miss Q&A ng It's Showtime na gaganapin pa sa Big Dome sa Pebrero 23.

Todo-todo na ang paghahanda para sa coronation ng ikalawang yugto ng Miss Q&A ng It's Showtime na gaganapin pa sa Big Dome sa Pebrero 23.