Ibinahagi nina Joshua Garcia at Janella Salvador na sumabak sila sa pagsasanay ng cheerleading para sa pagbibidahan nilang episode ng “Maalaala Mo Kaya,” ang kanilang reunion sa telebisyon matapos ang serye “The Killer Bride.”

Nakatakdang ipalabas sa Sabado, Pebrero 22, ang episode kung saan gagampanan nina Garcia at Salvador ang papel ng mga cheerleader.

Watch more in iWantv or TFC.tv

“Cheerleader kami pareho. Doon kami nag-meet, ‘yon ‘yong story nila,” ani Salvador sa panayam ng ABS-CBN News.

“Dumaan kami sa mga practice,” ani Garcia.

May mga retrato ring ibinahagi sa Instagram account ng “Maalaala Mo Kaya,” tampok ang mga pag-ensayo ng dalawa. May isang larawan kung saan makikitang nili-lift ni Garcia si Salvador.

View this post on Instagram

A post shared by MMKOfficial (@mmkofficial) on Feb 17, 2020 at 12:48am PST

Ayon kay Salvador, bagaman mahirap ang cheerleading, nag-enjoy naman siya rito.

“Fun siya kasi challenging ‘yong role,” aniya.

Nagpasalamat din ang dalawa sa patuloy na suporta ng fans ng kanilang tambalan, na nag-umpisa sa seryeng “The Killer Bride.”

“Sobrang thankful lang ako na ang daming sumusuporta sa amin,” ani Garcia.

“Ang sipag ng fans namin eh, nakikita ko sa Twitter, lagi sila nagpapa-trending,” dagdag niya.

Ayon naman kay Salvador, nasabik siyang makatrabaho ulit si Garcia at mapasaya ang mga tagahanga ng kanilang tambalan. -- Ulat ni Ganiel Krishnan, ABS-CBN News