Push Admin

Sylvia Sanchez, ibinahagi ang 'magandang' kapalit nang pagkakaroon noon ng COVID-19

Article (news)

ABS-CBN News

<p>MAYNILA -- Muling binalikan ng aktres na si Sylvia Sanchez ang naging karanasan na sumubok sa tatag ng kanyang pananalig sa Diyos.</p><p>Noong nakaraang taon, nagpositibo sa <a href="https://news.abs-cbn.com/entertainment/03/31/20/sylvia-sanchez-husband-test-positive-for-covid-19">coronavirus</a> si Sanchez at kanyang mister na si Art Atayde.</p><p>Sa media conference para sa pinakabagong serye ng ABS-CBN na &quot;Huwag Kang Mangamba&quot; kung saan isa si Sanchez sa mga bituin, sinabi ng aktres na mas naging matatag ang kanilang pamilya dahil dito. </p><p>&quot;Honestly, sa totoo lang, wala akong kuwestiyon kay Lord bakit nangyari sa akin &#x27;yon. Wala akong pain, wala akong sakit, kung bakit nangyari sa amin &#x27;yon. Kasi ang kapalit nun ay mas naging close ang buong pamilya. May magandang kapalit &#x27;yon. Nagkaroon ako ng takot, yes. Para kay Chubby and kay Gela, kay Arjo, kay Ria na mahawa, lalo na &#x27;yung bunso. Kasi at that time walang puwedeng sumama (na hindi) COVID-positive sa loob ng hospital. Natakot ako roon para sa bunso talaga,&quot; ani Sanchez.</p><p>Giit ng aktres, maraming biyaya ang dumating sa kanyang buhay mula nang gumaling sila sa COVID-19. </p><p>&quot;Sumatutal walang negative kahit ano na nangyari sa buhay ko last year kasi ang kapalit nun blessings. Ang dami-daming nangyaring magaganda sa buhay ko after nun. So papaano ko kukuwestiyunan &#x27;yung isang beses na nagka-COVID kami, na thank God nalagpasan namin, kumpara doon sa binigay naman Niya after? Sabi ko nga, lahat tayo, karamihan sa atin may kuwestiyon, bakit Lord, bakit ganun?&#x27; Pero darating &#x27;yung time na &#x27;yung mga katanungan natin masasagot din &#x27;yan later on. &#x27;Di natin alam kung kailanman, basta darating ang kasagutan sa tanong natin na &#x27;yon,” dagdag ni Sanchez.</p><p>Ayon kay Sanchez, isang malaking biyaya niyang maituturing ang dami rin ng mga taong nagdasal para sa kanyang panggaling.</p><p>“Noong time na nagka-COVID ako, ang dami-dami nagdadasal. Tapos nagugulat ako na hindi ko mga kilala &#x27;yung iba, nag-te-text, may nagpapa-text. &#x27;Di ba blessing &#x27;yon? Ni minsan hindi ako nagsalita na &#x27;bakit, Lord?&#x27; ...Never naman ako iniwan ng Diyos. Ako ang nang-iwan sa Diyos. Tini-take for granted ko Siya. Maraming beses. Pero Siya tuloy-tuloy niya akong niyayakap. Never naman nang-iwan ang Diyos sa atin. Nandiyan lang Siya, naghihintay lang Siya kung kailan natin Siya tawagin siya at kailan natin siya i-embrace totally sa buhay,” ani Sanchez.</p><p>Sa Lunes, Marso 22, magsisimula na ang pagpapalabas sa inaabangang serye na &quot;Huwag Kang Mangamba&quot; na pinagbibidahan nina Andrea Brillantes, Francine Diaz, Seth Fedelin at Kyle Echarri. </p><p>Ang &quot;Huwag Kang Mangamba&quot; ang pinakabagong inspirational series ng ABS-CBN na hango sa kanta ng worship musical group na Bukas Palad Music Ministry, na likha naman ni Fr. Manoling Francisco.</p><p>Tampok din sa serye sina Eula Valdes, Mylene Dizon, Diether Ocampo, Enchong Dee, Matet de Leon, Dominic Ochoa, at RK Bagatsing.</p><ul class="op-related-articles">	<li><a href="https://news.abs-cbn.com/entertainment/01/24/21/panoorin-cast-ng-huwag-kang-mangamba-tampok-sa-asap">PANOORIN: Cast ng &#x27;Huwag Kang Mangamba&#x27; tampok sa &#x27;ASAP&#x27;</a></li></ul><p>Mapapanood ang &quot;Huwag Kang Mangamba&quot; ngayong Marso 20 sa WeTV iflix, 46 oras bago ito umere sa Kapamilya Channel, Kapamilya Online Live, A2Z at TV5.</p><div><br/><strong>Related videos:</strong></div><figure class="op-interactive"><iframe height="315" src="https://www.youtube.com/embed/cMHCDorbjOQ?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><figure class="op-interactive"><iframe height="315" src="https://www.youtube.com/embed/yTDnGUvopgU?enablejsapi=1" width="560"></iframe></figure><div class="iwantbar">Watch more in <a href="//www.iwantv.com.ph/">iWantv</a> or <a href="//tfc.tv/">TFC.tv</a></div><div><br/> </div>

<p>Muling binalikan ng aktres na si Sylvia Sanchez ang naging karanasan na sumubok sa tatag ng kanyang pananalig sa Diyos.<br /> </p>

Muling binalikan ng aktres na si Sylvia Sanchez ang naging karanasan na sumubok sa tatag ng kanyang pananalig sa Diyos.