Push Admin

‘Umagang Kay Ganda’, umarangkada online

Article (news)

ABS-CBN News

<p>MAYNILA – Nagbalik ang pang-umagang programa ng ABS-CBN na “Umagang Kay Ganda” (UKG) nitong Huwebes. </p><p>Live na napanood ng netizens ang &quot;UKG&quot; sa kanilang <a href="https://www.facebook.com/ukgdos">official Facebook page</a>.<br/> <br/>Para sa muling pagbabalik ng UKG, muling nagsama-sama sa kuwentuhan sina Winnie Cordero, Jeff Canoy at Jorge Cariño. </p><p>“Hello po sa Facebook. Ibang-iba ang format natin ngayong magandang umaga at sana ay okay kayong lahat. Alam ko miss na miss niyo na ang &#x27;UKG&#x27; pero alam ko miss na miss niyo na ang ating barkada,” ani Canoy. <br/> <br/>“Kami po ay live and alive sa Facebook page ng ‘Umagang Kay Ganda’ … alam niyo naman po wala pa sa ere ang ABS-CBN. Kasi mayroon akong naulanigang comment mas gusto niya raw manood sa TV para mas malinaw,” dagdag naman ni Cordero.</p><p>Sa programa, muli ring nagturo si Cordero ng isang simpleng recipe gamit ang meatloaf na maaring nakakasama sa mga ayudang ibinibigay ngayong panahon ng lockdown.</p><p>Ipinakita ni Winnie kung paano lutuin ang bersiyon niya ng Meatloaf with Baguio beans.</p><p>Nagbigay naman si Cariño ng update sa kaso ng COVID-19 sa bansa, samantalang update naman sa pasukan ang ibinigay ni Canoy.</p><p>Ayon sa tatlo, pipilitin nilang regular na makasama ang mga manonood ng &quot;UKG&quot; at netizens sa Facebook.</p><p>“Huwag po kayong mag-aalala, pipilitin po natin na maging madalas ang kuwentuhan natin tuwing umaga,” ani Jorge.</p><p>Matatandaang huminto sa pag-ere ang &quot;UKG&quot; nang ipatigil ng National Telecommunications Commission ang ABS-CBN sa pagbobrodkast noong Mayo 5.</p><p>Narito ang pagbabalik ng &quot;UKG&quot; barkada:</p><div><script src="https://connect.facebook.net/en_US/sdk.js#xfbml=1&amp;version=v2.5" async="" type="text/javascript"></script></div><div class="fb-post" data-href="https://www.facebook.com/ukgdos/videos/vb.137397709606746/577606466275084" data-width="auto"> </div>

<p>Nagbalik ang pang-umagang programa ng ABS-CBN na “Umagang Kay Ganda” nitong Huwebes. </p>

Nagbalik ang pang-umagang programa ng ABS-CBN na “Umagang Kay Ganda” nitong Huwebes.