Sinalang ni Chicky (Toni Fowler) si Mokang (Lovi Poe) sa isang bagong bar matapos nitong masisante sa pinagtatrabahuan sa latest episode ng "FPJ's Batang Quiapo" nitong Miyerkoles.

Pinahamak na naman ni Tanggol (Coco Martin) si Mokang sa kanyang amo kaya naman nasalang siya sa bagong bar kung saan inaapi sila ni Celine (Shaniah Gomez), isa sa mga nangunguna sa bar.

Pursigido naman si Chicky na tulungan ang kanyang kaibigan para makaipon ng panggamot sa ama.

Samantala, naibalik na ni Rigor (John Estrada) ang droga ng mga sindikato at posible nang makabalik sa serbisyo. Pinagdiskitahan naman ng mga taga-Tondo si Roda.

Hindi naman alam ni David (McCoy de Leon) ang gagawin matapos mabuntis si Camille (Yukii Takahashi) habang sinusubukan naman ni Olga (Irma Adlawan) na kuhain ang loob nina Marites (Cherry Pie Picache) para mapaghiganti ang namayapang anak.

Mapapanood ang "FPJ's Batang Quiapo" mula Lunes hanggang Biyernes, 8 p.m. sa Kapamilya Channel, Kapamilya Online Live, Cinemo, A2Z, TV5, iWantTFC at TFC.

RELATED VIDEO:

Watch more News on iWantTFC